يواسيني وانا الميت وحالي يجبر الدمعات

مملوح · 16-02-2005, 10:45 AM

هذي قصيده كاتبها واحد سوى حادث و كانت معه امه في السياره و توفت الام من سبب الحادث والولد ما صار شي فيه الا بعض الجروح الله يهدي شباب المسلمين وقال لمن يواسيه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

فتى تربه · 16-02-2005, 11:06 PM

الله يعطيك العافيه والله
ابيــــــــــــــــــــــــــات
حلــــــــــــــــــــــــــوه
حيــــــــــــــــــــــــــوه

ينبعاوية · 18-02-2005, 07:22 PM

قصيده تكتب بالذهب

ونعلقها في قلوبنا

لانها عن اغلى الناس

مملوح..........

إحساس متأجج وصادق ليس لحبيب قلب مشارك في العواطف بل لحبيب قلب ملأ حياتنا

بالحب الحقيقي الصادق

حتى في وقت الجفا منا يكون رطبا بالدفئ والحنان لأنه الحب الحقيقي حب أمهاتنا فكانت

كلماتك رائعة الإحساس ...

دمت لنا بود

ارق تحية

احلام · 26-02-2005, 08:08 PM

الله يرحمها ياارب
ابيات تمزح احاسيس الحب والحنان والحزن بالوقت نفسه
ابياات تعصر القلب حزن والعين دمع على فقد اعز النااس
ابياات بقمة الرووعه
دمت بود

بندر الشوق · 27-02-2005, 07:45 AM

كلمات حزينه جداً

لم استطع اكمالها

تسلم يالغالي

ولكـ تحياااااااااتي

,

,