مازالت الرحله مستمره
مع قائـــد الرحله:أحمد الصانع
عنوان الرحله: :::شتااات:::
احبك خلها بقلبي ولاتعطيني اي فرصه
اخاف ان قلتها تزعل والا اطيح من عينك
لاني كل ما اشوفك احس بداخلي غصه
حبيبي كيف لاصارت ايديني تحتضن ايدينك
تخيل حتى في عمري تشاركني على نصه
ودوم تمر في بالي واذا غبت أفقدك وينك
تصدق كاتم بقلبي ولابينت هالقصه
عساك تحس او صدفه تجمع بيني وبينك
/
/
/
شتات(2)
القلوب البيض..والعالم تغاار
والغلا يفتح ستاره مسرحه
من غيابك مات فيني الانتظار
اجمع أشواقي وصبري أطرحه
شف مكانك ماخذاه الا الغبار
ووجهك اللي صرت دايم ألمحه
شاعرك ماعادت اوراقه نهار
وأي قصيده عن غيابك تجرحه
/
/
/
شتات(3)
إن جيت أضحك يبين حزني في عيني
ياويل قلبي..من الدنيا أيا ويله
قلت:أبتسم له واخبي حسرتي فيني
لقيت دمعي نزلي وقال:شحليله.
:
:
:
شتات(4)
تعال شووي وإسمعني /افهم مني الموضوع
بعدها صدق وإزعل وقول:انك مخاصمني
أشوفك حيل متغير يمكن صارلك إسبوع
عواذل يابني آدم/ابي فيهم تواجهني
:
:
:
(5)
لاتعب قلبك من الدنيا وضاق
لاتبين/ حتى لو جرحك عميق
عز نفسك حتى لو شفت الفراق
موت شامخ يارفيقي لاتضيق
:
:
:
(6)
الله يعينك/ ادري بالحيل مشغول
بالك يفكر باللذي عنك غايب
مسكين قلبك جالس بحاله مذهول
ماهو مركز من فراق الحبايب
:
:
:
(7)
لانويت تروح وتبديه العناق
رد قلبي وخلني بالفرقا أروح
لاتصير الشمس فجأه والفراق
في مراحل صيرها فجر وشروق
/
/
/
(8)
ماتحملت بوجودي في غيابي
يوم سافرت وتركتك للابد
اعترف لك انولد بعدك عذابي
واعترف لي عن معاناتك بعد
وش بقا اخذ معي حتى ثيابي
ماتبيني/ والفكر عندك قعد
في بلادك انتهى حضرة جنابي
لا انا عايش ولا ذاك الوعد
:
:
:
(9)
تعبانه لكن تقول:بخير ومرتاحه
كنها تعاند سيوف الموت وتقتلها
في عينها دمعتين وشبه تفاحه
كنها تغسل هموم الوقت وتاكلها
/
/
/
(10)
كيف اشوف الارض وامشي وانا من دونه
صرت كني شخص أعمى وماتدليه العصاه
صرت كني طير عايش بس جنحانه كسير
مايشوف الا جروحه وتركض العالم وراه
لاقدر يفرح ويسلم ولاقدر حتى يطير
صرت طير ماتت امه ومالحق ياخذ غلاه
وللشتاات بقيه
دعوه:لــ مملكة أحمــــــد...
