السلام عليكم

كيفكم ان شاء الله مبسوطين

ادري مقصر بالمواضيع..

عاد الشكوى لله جامعة واختبارات وغثا حريم << كل وحدة تمثل مشكلة بذاتها

المهم عن اللخبطة والخمبقة اللي مالها داعي وتضيع من وقتي ووقتكم الثمين

اذكر اني مره شفت صورة مخ الحرمه جايتني بالبلوتوث

فاقولكم يعني

تفقدت الصورة وقمت اطالع واطالع فيها عشان اعرف وش .... << معليش ما عرفت اعبر

المووووووهم

بالمناسبة هذي هي الصورة يمكن بعضكم ما شافها



طيب

أول شئ راح نتكلم عن اكبر مركز في المخ

مـــــركـــــز إحــــداث المـشـــــاكل

اذا دخل ابو صويلح البيت توه فالها مع اخوياه بالمقهى مطالع مباراة الهلال والسعودية << ما عليكم تحملوه بطنه يعوره

وجته ام سلوووم قصدي ام صويلح اللي هي زوجته - يابو فلان والله ياني سويت لك شكشوووكه يووه بتاكل يدك وراها

الضعيف ابو صلووووح توه ماكل جامبو نقانق من مياسم << بوفيه بحارتنا

وقال لها كرمتي وسلمتي يا ام صويلح الحقيقه انا متعشي برى

ثم تنتهز ام صلوح الفرصة الي كانت تنتظرها من زمااااااااااااااان

- انا اصلا كنت شاكه فيك وفي تصرفاتك اكيد انت متزوج وحده غيري ومتعشي عندها بس والله لاروح اهلي ويا انا يا هي

ابو صلووووح منلخم وما يدري وش يسوي

- تعالي يا بنت الناس اي زواج واي مقهى واي شيطان << الواحد مع اللخبطه يقول كل الكلام اللي سمعه اليوم

المهم الله يستر عليهم مدري شصار تطلقوا ولا تزوجو مدري

فاقول لكم هذا نموذج بسيط ومشكلة بسيطة من مشاكل هذا المركز

الا تعالوا يا البنات ابقول لكم شئ

وهذا صدق والله ما امزح يعني اكلمكم جد

............................

اذا تزوجت الوحده فيكم الله يرزقني ويرزقكم

لا تحجر لرجلها وكل ما شافته داخل البيت وينك ريحتك دخان من كنت جالس معه ومدري شنو

لان الرجال اذا راح لبيته يبي يرتاح

فلما يروح ويتبهذل مع تحقيق مرته بيكرهها وثاني شئ بيفكر يتزوج بثانيه

عشان تعوضه عن الراحة اللي فقدها مع الأولى

وقد أعذر من أنذر

............................

الموووووهم

نترك مركز احداث المشاكل لاننا تكلمنا عنه واجد

+++++++++++++++++

رقم 2

مركز الحش والتقطيع

وهذا مركز ما شاء الله موجود في الصغير والكبير

العاقل والمخبول << حلوه مخبول

ريم : ما شفتي استاذة الانجليزي وش تقول
رغد : وش قالت ؟
ريم : قالت احمدوا ربكم فيه مدرسة تعلمكم طريقة الاختبار النهائي عشان تستعدون له
رغد : وعععععع احمد ربي على وجهها اللي اربع وعشرين ساعه كنها توها قايمه من النوم ولا ايش
ريم : لا وشفتي الروج اللي حاطته استغفر الله كنه ميرندا برتقال
رغد : اسكتي لا تذكريني تدرين من تذكرت يوم شفته
ريم : من انا اذكر فيه وحده تحب هاللون << وهي نصابه ما تعرف احد
رغد : هذي شغالة بنت خالي المتزوجه << حتى الشغالات ما افتكوا من شرهم
ريم : اي اعوذ بالله الشغالات يجون هنا ما شافوا خير ويقعدون يتخققون
لا ويتكشخون بعد من زين وجيههم اللي عيونهم داخله على براطمهم والخشم كنها فلقة راس

........... إلخش << يعني إلى آخر الحش

طبعا مو لازم اتكلم اكيد السوالف اللي فوق وصلت

+++++++++++++++++

رقم 3

مركز تصنيع النكد

ايه وارجع لسالفة ام صلوووووح

وهي تصيح ومتبطحه على الكنبه الجديده اللي طلع منها غبار ثلاث اسابيع << والله من زين التنظيف

حرام عليك ليه حرقتني معك انا وش سويت لك

واصلا مافيه سالفة !!

+++++++++++++++++

طبعا لو باترك واعد باوصل للميه

لكن ارجوا تنتبهون للمراكز المهمه مثل ودني للسوق وبيت اهلي وعطني فلوس وين وديت راتبك .. بس حرام لو صغروا التفكير اكثر صار اصدق << يؤؤ بيتشوت

اممممممممم وبس..

سوووري بنات.. أوعدكم اكون ناصف وانزل مخ الرجال

<< نياهاهاهاها

طيب باقي نقول الحقوق..

جميع الحقوق محفوظة لعبادي والكونت..

واي واحد يلطش الموضوع ويوديه لمنتدى ثاني يقول اسمي

واي واحد يبغى يحط الموضوع بمنتدى ثالث برضوه يقول اسمي

واللي ياخذ ذبه من الموضوع ويقولها عند اخوياه يقول اسمي << وش يحس به

وشكراً جزيلاً