تذكرتكْ وأنا داخل القاعة .. حضور أول ..

تذكرتك وانا في داخل القاعه مع الدكتور = تذكرتك وصارت دمعتي تنزل على اكتابي
تذكرت الوفا اللي ضاع من قلبك بدون شعور = حسافه منت كفو لحبنا ياآخر اتعابي
اجيك اصدق من البسمه تعاملني بكل غرور = تجاهلني وتجرح ماحسبت لجرحي حسابي
تحملتك نهاية فرح في زمن مهدور = تحملتك وجفت دمعتي وملتني اعصابي
جبرني الوقت يا( أنتْ ) ؟ وعشت بعالم(ن) محضور = وجيتك خايف آمالي تحطم داخل اسرابي
انا وانت مثل قصر ينادونه قصر مهجور = سكن فيه الوفا والتضحيه والحب باصعابي
ترى كف الوفا ياصاحبي في داخلك مكسور = كسرته في غرورك في رداتك بعت الاصحابي
حبيبي دام غروك العواذل رح لبلهم بسرور = انا مطرد ورى مقفي ولا ابغى منك اعتابي
مدام انك رضيت الذل انا ماابيك يامغرور = انا قدري كبير وقيمتي ماتطيح لترابي
وداعا قلتها بآخر محطاتي مع المستور = خلاص ارحل ولا ترجع ترى قفلت أبوابي
خلاص وروح ياخاين وداعا قلت لك مشكور = مابي منك لاوفا لاحُب لا عشره ولا عتابي
واذا غرك كلام العاذل الحاقد وهرج الزور = ترى اصلا قيمتك عندي تساوي قيمة ثيابي
انا آسف وإذا قدرك عقد في دنيتي منثور = اقول آسف لأني ماقدرت افتح لك ابوابي
غلاتك شمعة واشعلتها ماشفت فيها نور = طفيتك شفت بعدك كل شمع الكون يزهابي
تطمن لاتظن اني بموت بحسرتي مقهور = ببدأ صفحة بيضاء وابفتح للوفا بابي
انا منك انتهيت وجفني اصبح للسهر مسرور = وكنت آخر دموع(ن) شفتها تنزل على اهدابي
خلاص الحب ودعته وعشت بغربتي مجبور = رضيت بواقع(ن) مؤلم قتلته يآخر احبابي
صحيت وكنت بالقاعه وحيد ولا معي دكتور = ودمعي من كثر دمعي غرق في وسطه اكتابي