تــهـاويـم

همسات ليل · 07-07-2007, 11:50 AM

اتخـلى عـنك شـي ٍ مـب سـهـل
..........وأستمر بنفس وضعي مستحـيل

طال صبري وأنتظر ومـضة امل
..........وبـسمـتـي يغـتالها الهـم الثـقـيل

مأعـتراني مـن محـبتـك الـمـلـل
..........لا ! ولا ظـنـيت بـلـقى لك بديـل

شــاهـد ربـي خـفـوقـي مابـخـل
..........ومـستعـد يسير لك عمر ٍ طويل

غير! في قلبي من الحيره وجل
..........مـن غـد ٍ مجهول معتم مثل ليل

همسات ليل · 07-07-2007, 11:52 AM

تـــــخــــيـــــل بـــس !

تـخـيـل إذا غـبـت عـن دنـيـاي كـيـف احـيـا ؟!
............وكـيـف اتـبـيـن طـريـقـي دون ماشـــوفـــك !

بـــس تـــخــــيـــــل !

همسات ليل · 08-07-2007, 08:56 PM

بس شوف الجرح وامضي في طريقك !

بس عيش الهـم لي امـسى طـريـقي ولاااا تــعــّــلـــق!

تعال وشوف لي فيّه حقيقه مب "هجوس احلام!"
...............جروح !وهم ! مع حيره!وجع والآم تصلاني!

بقى في خافقي "جرحين!"وطالت رحلة الألأم
................دخيل الله ياااا قلبي !! كفايه طول حرماني

بعد لي مـ العذاب اكثر؟!برجوى تنقضي الايام
................وكن العمر لي عدى علينا له عوض ثاني!

وكأنك "حاكم بأمرك!" تنفذ بي انا الاحكام
............... تبديني على نفسك !"ياقلبك كيف يهواني !"

همسات ليل · 21-07-2007, 01:45 AM

الصاحب اللي نوده صدق ونعزّه
.............نـفـرح بـشوفـه نهـليّ به ونـعـتـازه

نفرح بــ فعـله وشيماته بكل حـزه
.............ونـماري الكـون ونـقدّر له انـجازه

شانه تـعّـلا سنام الـمـجد والعـزه
............وبيرق نجاحه على المريخ مركازه

"مخـّلف الطيب "مـن ماروث ٍ يـرزه
............ومواقف العز لأجله دوووم منحازه

مـاقام يلـعـب بسيـف العـز ويهـزه
..........على ضعوف العرب يومي بـ مهمازه!

"تفق مجالس طوال الوقت مرّتزه! "
.............لافود منها ولا هي قد قضت عازه

واللي ربى عـ المـعـزّه دايـم بعـزه
............ماهـمـه يجـّمل الصـوره بـ بـروازه

الحي يحييك لو ياخـوي هي فـزّه
............والغبن زادك غبن والطيب ماحازه

اصون قافي !وفكري عـنّه مـنـزّه
..........اسمو بنفسي عن خبوره مع الغازه

همسات ليل · 19-08-2007, 10:04 PM

مـحـلا صـبـاح بـلادي
.........كـنـه شـعاع الـشـمـس

يحـضن سفـوح ووادي
.......... يـلـثـم جـروح الـنـفـس

مـشـرق بـ نوره هادي
.........شـفـاف مـثـل الـهـمـس

همسات ليل · 19-08-2007, 10:06 PM

ياالله انك عالم بــ خـافي الـنوايا
.........ولي سكـن في مهجـة الـقـلـب العـنـيـد

لي سلب راحة عـيوني ياشقـايا
........." وإغتنم! "عمري بأسم حرف وقصيد

من حكايا الحب وأحلام الصبايا
......... وإلأمـل،،وإشـراقـة الـفـجـر الـجـديـد

الشعر والهمس وعيون المهايا
......... سـاري بـ دمـي مـع نـبـض الـوريـد

كـل مابـيـنـت له شـوق الخـفايا
.........إستـبد وقـال لي : " هـل من مزيد؟! "

يـاعـذابـي ماتـرك فـيـه بـقـايـا
......... " كـنـي إلا ورث ماضـيـه الـتـلـيد! "

ليت لي في كـل لحظاته حـكايا
......... " وأسكن "حروفه مع عذب النشيد

وأخذه في عالمي حلم وروايـا
......... واقـعـي احـلام ،،وأحـلامي قـصيد