+++++ يوميات شباب عزوبية برمضان +++++

PaNaDooL · 02-09-2007, 04:21 PM

(1)

ليلة رمضان

أنتا منتا انسان اكثر قلبي مو من قلبك اصغر ومثل ما تشعر تأكد إنّي أشعر فيني منك .. فيك مني
فيصل يناظر على يمينه لجواله في المقعد الثاني من السيارة ليظهر له على شاشة الجوال
الماما يتصل بك
يرد فيصل: هلا فهد وش عندك
فهد : أبشرك طلع في التلفزيون بكره رمضان
فيصل : من جدك .. قل و الله
فهد : ايه اتصل عليه خالد يقول سمع الخبر بـ FM لكن لحظه انا بالبيت بشغل التلفزيون و اشوف قناة السعوديه هو صحيح الخبر و الا ينصب علينا خالد
فيصل : طيب بسرعه شوف

فهد يضغط على زر التلفزيون و قبل تظهر الصورة يسمع بصوت عالي
شخبط شخابيط شخبط شخابيط ...
لخبط لخابيط..
مسك الالوان ورسم ع الحيـــــط اعمل ايه وياك يا حماده

و يقول فهد الله ياخذك يا مدمن الاغاني يقصد فيصل ياخي العالم تبي تصوم و انت طول ليلك بين الذهبيه و روتانا كليب..و لا تهون غنوه

فيصل : شكلك سبيتني يا فهد .. يالله بسرعه شوف
فهد : ماادري كم رقم قناة السعوديه ؟؟ انت ما تعرف كم رقمها
فيصل : شرهتك على اللي عمره شافها من يوم سكنا في الشقه ما اذكر اني شفتها عندنا في البيت
فهد : الله يسامحكم ما لقيتم تحطونها الا على رقم 623 وين الوطنيه
فيصل : اقول اخلص عليه انا مو فاضي لك
فهد : ابشرك الخبر صحيح .. الليله سهره للفجر و تعال بدري عشان نسوي السحور سوا
فيصل: انا مو فاضي اطبخ ... كلها حبه مع الرز اجيبها من المطعم و انا جاي
فهد: يا ابو جن ذبحنا اكل المطاعم ماله طعم نبي ناكل شي يصبرنا على الصوم ترى مافيه غدا بكره
فيصل : يا ابو بطن معايه مكالمه انتظار يالله مع السلامه
فهد: اسمع يا فيصل جيب معاك معجون طماطم و حبة دجاج و و و و ....
فيصل: اقول ضف وجهك مو فاضي لك انت و طلباتك با لحق على مكالمة حبيبة القلب انتظار معايه
فهد: يا خي حرام عليك صوووم بكره رمضان
فيصل: طيب و لا تزعل اوعدك الليله اخر مكالمه ما اقدر لازم اسمع صوتها
فهد: فيصل بقولك ........ طوط طوط طوط
الله يسامحك يا بو جن تقفل بوجهي و الله لاوريك ..

و قبل ما يجلس فهد يسمع صووت الباب يقفل بقووه طرررررررررررررراخ و يدخل خالد و هو يركض و ينادي فهد فهد وينك ..
فهد : بسم الله وش فيك عسى ما شر ..
خالد : بكره رمضان
فهد: يا فرحتي فيك جاي تركض و طيحت قلبي و ازعجت العالم و الجيران ادري ان بكره رمضان عندك شي غيره
خالد : ما عندي شيء ... بس هات الريموت
فهد: اترك الريموت عنك وقم بنروح للسوبر ماركت نجيب اغراض بنسووي السحور
خالد: العالم توها ما اذنت لصلاة العشاء و انت تبي تطبخ السحور ..
فهد : اقول قم بس قم بنروح للسوق و منها نتمشى و نغير جو.. الا على فكره ما شفت الداشر
خالد: الدشير عندنا كثير من تقصد.. فيصل و الا ناصر
فهد: لا.. اقصد مدمن المعسل ناصر
خالد: ما ادري عنه انا طلعت من البيت وهو نايم اكيد تلاقيه اللحين بالمقهى يعسل

و بعد اربع ساعات يرجع فهد و خالد و معاهم اغراض الطبخ و يتجهون للمطبخ و يسوون السحور
و بعد ثلاث ساعات تجهز الكبسه ..

فهد: خالد باقي عن صلاة الفجر نص ساعه وين فيصل و ناصر عشان نتسحر
خالد: بتصل عليهم اشوفهم وين
فهد: بسرعه قول لهم يرجعوا و يجيبوا معاهم بيبسي و انا بحط السحور
خالد: طيب بتصل عليهم
خالد: فهد يقولوا جايين بالطريق ... بسرعه هات العشاء ..

و يتقابلوا فهد و خالد على السفره نصف ساعه ينتظروا اصحاب السمو و السعاده
و قبل اذان الفجر بعشر دقايق يرجع فيصل و ناصر بدون بيبسي

فهد: وينكم الاكل برد و احنا ننتظركم
فيصل : اللي يسمعك يقول انك مسووي بوفيه مفتوح كلها حبة دجاج مع الرز و بدون ملح بعد ..
فهد: احمد ربك على النعمه و تعشى .. و على فكره بكره ناوين انا و خالد نسووي لكم فطور يفتح النفس و اسمع انت وياه لازم تساعدونا بكره لاننا بنسوي شوربه و مكرونه و فيه شيء ثاني بنسويه بس خلووه مفأجاه..
ناصر: بالنسبه ليه انا ... أغسل يدك ما فيه امل اني اصحى
فيصل: يا قلبي يا أمل .. ذكرتوني لازم اتصل عليها قبل ما انام اخاف انها تزعل ..
فهد: من جاب سيرة امل و الله انك موسوس يا فيصل بالبنت هذي..
خالد: اااااااااااااااااااااخ من الدوام بكره و الله الواحد ما يشبع نووم ياليتهم يعطونا اجازه في رمضان
ناصر: بالنسبه ليه انا .. نااوي الشهر هذا اعطي نفسي اجازه ..
فهد: اقول لا يطردونك من العمل يا ناصر تعوذ من الشيطان وداوم بكره و الا ترى سطل مويه فوق رأسك اذا ما صحيت بكره..
فيصل : الله يخليك لنا يا فهد و الله انك زي الماما الله لا يحرمنا منك..
فهد: اقول اهجد يا فيصل و بلاش نصب و قم اغسل الصحون و انت يا ناصر قدر الطبخ ينتظرك بالمطبخ اغسله. و انا و خالد بنصلي و بنروح ننام

و بعد معاناه مع الغسيل لأكثر من ساعه يتجه فيصل و ناصر للنوم

تابعونا في الجزء الثاني ... أحداث اول يوم من رمضان في بيت عزوبيه

بقلم : Mr.PaNaDooL

وين رايح · 02-09-2007, 09:41 PM

اما هي يوميا روووووووووووعه

تسلم اخي

PaNaDooL

انتظاررررررررر =------------

الحلقات القادمه

حــلا · 03-09-2007, 04:28 AM

::×

ياااااااااااااهـ، ونااسهـ،

يووميااتـ، حلووهـ، مووتـ،

ننتظركـ،

ربيـ، يعطيكـ، ألفـ، عافيهـ،

دمتـ،~

::×

عاشق البسمة · 03-09-2007, 10:49 AM

PaNaDooL
لياالي رمضااااااااااااان بلاا شك رووووووووعه

والارووع مووضووعك اخوووي

فلللللللللللللله هالعزاابيه

ننتظر الجزء التااني

دمت بالف خيررر

PaNaDooL · 04-09-2007, 10:26 PM

(2)
اليوم الاول من رمضان

الساعة التاسعه و الربع صباحا يرن منبه الجوال في غرفة فهد و خالد
يصحى فهد من النوم و يقفل المنبه و خالد بسابع نومه .
فهد : خالد يالله اصحى لا تأخرنا زي كل يوم
خالد: ياخي اليوم رمضان و العالم كلها تتأخر وش فيها لو نتأخر نص ساعه
فهد: اقول بس اصحى رمضان مثله مثل غيره و انا بروح اصحي اكياس النوم اللي بالغرفه الثانيه
خالد: طيب روح انت و انا اصحى

فهد يذهب لغرفة فيصل و ناصر و كل ما يقترب من الغرفه صوت المنبه يزيد و يسرع فهد بالمشي و يفتح باب الغرفه و يقفل المنبه و بصوت عالي يقول اصحوا لاكن لاحياة لمن تنادي و يقوم يسحب اللحاف من فوق فيصل

فيصل: يالله صباح خير يابن الناس وش فيك ليش كل هذا العنف ياخي صحنا برواقه
فهد : اقول احسن لك تصحى و الا سطل المويه ترى عند الباب ارشه على رأسك
فيصل: خلاص صحيت
و يقوم فيصل يروح للحمام
فهد: انت الثاني يالله اصحى
و ناصر نايم و لا كأن احد بالغرفه و يقوم فهد و يسحب اللحاف و يشد ناصر مع ارجوله و هذه افضل طريقه يستخدمها فهد مع ناصر عشان نومه مررره ثقيل
ناصر : لا حول و الله أحس نفسي راكب باص خلاص صحيت الله يرجك
فهد : اقول لا يكثر هرجك و قوووم.

فيصل يتأخر كالعاده بالحمام و فهد واقف على رأسه بسرعه انت نمت بالحمام المره الجايه بسووي نسخه على مفتاح الحمام
خالد ميت ضحك و جاي يشوف المسرحيه و فهد مرتفع ضغطه و يناظر فيه بنظره قوويه و تتغير ملامح خالد و تضيع الضحكه .
فهد: و الله انك رايق روح شوف الجثه الثانيه يقصد ناصر
خالد يناظر وراه و يشوف ناصر نايم على الكنب في غرفة التلفزيون و يجي من ورا الكنب و يقلبه على ناصر بعدها يصحصح غصب

فهد: ما أقول إلا الله يعين مقرودة الحظ اللي بتتزوجكم

و بعد المعركه لمدة نصف ساعه يتوجه الجميع للعمل.

انتظرونا في احداث ما قبل الافطار و تفاصيل اعداد افطار رمضان و كله في بيت عزوبيه

جــنـــه · 05-09-2007, 12:40 AM

في انتظار تفاصيل اعداد افطار رمضان

أكيد هتكون أمتع من مغامرات توم وجيري

حياة بلا روح · 05-09-2007, 11:52 AM

ههههههههههههههههههههههه

روووووووووووووووووووووعه
تسلم والله ... في انتظار القادم : )
بكل شغف وشوق للقادم ...

PaNaDooL · 05-09-2007, 03:39 PM

اقتباس:

المشاركة الأصلية كتبت بواسطة وين رايح

اما هي يوميا روووووووووووعه

تسلم اخي

الروعه حضورك أخي وين رايح ..

يسلمك ربي ..

ما ننحرم منك ..

==ليلة القمر== · 05-09-2007, 10:10 PM

تجنن روعه اليوميات

رحمتهم مساكين

يعطيك اخوي الف عافيه

الأسطورة · 07-09-2007, 06:21 PM

عن جد يوميات رمضانيه رائعه

واتمنى ان الشباب العزوبيه

في رمضان يتعاونو فيما بينهم

لانه شهر عباده وخيراااااات

وتسلم اخوي PaNaDooLعلى الموضوع

الرائع ونتمى لك التقدم والمزيد

وبتوفييييييييييق