انا من كثر مااغليها احس اني بديت اغليك

فجر القصيد

أنا من كثر ما اغليهـــا أحس انـي بديـت اغليــك .........

--------------------------------------------------------------------------------



الســــــــــــــلام عليكم ورحمة الله وبركاته ....................

اليوم جبت لكم قصيدة رائعة جدا عن واحد يخاطب عريس حبيبته

ان شاء الله تعجبكـم .................
/
\
/
\
/

أبــد مـا جيت ابـــارك لك ولكـن جيــت باوصّيـــك=

علـى الله نــاوي ٍ تدخــل بهـــا الليلـــة مُعذّبْتـــي


تــرى لولا الظروف اللي عطتْك وحدّت محاكيــك=

قســــم بالله ما تدخــل عليهـــا لـو علـى رْقبْتــــي


ولكنّ النصيب اقوى ولا ادري ويش اسوّي فيـك=

نعــم صــارت معــزّبتــك ولا صــارت معـزّبْتـــي


كذا شــاءت بنــا الأقــدار تحرمنـي لجـل تعطيـــك=

كذا لازم عشــان تفوز إنت .. أخســــر بتجـربْتـي


تـــــراهـا غاليــة جــــــداً وتكفـــى والله يخليــــك=

تـدللهـــــا .. تدلعهــــا .. تنسّيـهــــا مصاحبْـتــــي


أنا من كثر ما اغليهـــا أحس انـي بديـت اغليــك=

ولا تســـأل بأيّـة حـــق .. والا ّ وش منــاسبْـتـــي


لإنك لو بتسألنــي بتسمــع شــــيء مـا يرضيـــك=

لــــذا يا خـوي لا تسـأل .. ولا تسمــع لأجوبْتــــي


أبيــك تحطهـا في داخل عيونـك .. وبيـــن ايديـــك=

وهي دلوعــه اعتـــادت علـى كثـــرة مداعبْتــــي


فداعبهـــا شـــوي شـــوي حتــى تشتهـي طاريـك=

وشاغبهـــا إليــن تقـــول لـك بطّـــل مشاغبْتـــــي


واذا هي مالها خلقــك .. ولا تضحك ولا تسلّيـــك=

تحمّلهــا وإسألهـا: يـا عمـــري ليـه عصّبْتــي ؟؟


وبالــك اسمـع انّك يــوم تضربهــا وهـي تشكيـك=

ما يحتـــاج اورّي لك بفـــن الضـــرب موهبْتــــي


صحيــح انــك بتملكها ومعـاك الصـك بالتمليــــك=

وانا عــارف حـــدود الله ومـن حقـــك معاقبْتــــي


ولكــن قلّهـا المجنـــــون وصّانـــي وهـو يعنيـــك=

يقـــــول انّـه بينتـظـــرك ولـــو شيــّـب وشيّبْتــــي


وانا مجنونهــا اللي ما نساها .. وانت مـا يمديـك=

تغطّـــي ذكرياتـــي في هواهـــا وربْــــع تجربْتــي


أحــس اني تمــاديت بكلامــي والغضــب حاديـــك=

ولــو انّك في مكانــي مــا تفكّـر فـــي محاسبْتـــي


كفــاك اني تـركـت الليله اشغالي عشـان اجيـــك=

دخلت القاعــة برجلــي ولا ادري ويش عاقبْتـــي


وانا مــا جيت اخرّب عرســــك الليلـة ولا أذّيـــك=

أنا جيتــــك عشــان اخاطبـك واسمـع مخاطبْتـــي


توصّـــى وانتبــه واحرص عليهـــا والله يهنّيـــك=

تـــرى كل الكلام اللي طلَع مـــن ضيقـيَ وكبْتـــي


ولكــن ما قدرت انـــّي أقولــه وانـت مـا يخفيـــك=

أخــاف انّــــي إذا قلتــه تقـــوم وتقطــــع رْقبْتـــي
/
\
/
\
/
دمتـــــــــــــم بحفظ الرحمن

سلاااااااااااااااااااام

الفيصل

ابن الذويبي

وعليكم السلام يا فجر

بصراحه عتاب ووله وشوق بكل -------------------- ذوق


وانا مــا جيت اخرّب عرســــك الليلـة ولا أذّيـــك=

أنا جيتــــك عشــان اخاطبـك واسمـع مخاطبْتـــي

احترامي وتقديري


وكل عام ونتي بخير

بنت الرياض

مــووضووع مررره حلوو

رائــع يسلموو

المسافر

أنين الحــزن

وين رايح

قصـــــــــــــــيدة رائعه رقيه بمعانيه

ومفرداتها , اسلوب شيق

وجميل

،،

اختي : فجر القصيد

اختيار جميل

سلمتي

ربي يسعدك

لك احترامي

فجر القصيد

فجر القصيد

فجر القصيد