بخور للفــم.. يعطيك ريحة روعة..

رائعة · 21-11-2007, 11:12 AM

بكتب لكم اليوم بخور الفم ويارب ينال اعجاب الجميع وهذه اللخلطه
احلا مافيها انها كلها طبيعيه يعني مامنها ضرر ابدا

المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر

الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك وإنتي نايمه علشان اذا قعدتي من النوم تعطر رائحة الفم

ويارب تجربونها وصدقوني بتعجبكم

نقـآء · 21-11-2007, 09:12 PM

رائـــــــــعه ..

يسلمو حبيبتي ..

بس اول مره اعرف انه في بخور للفم ..

::

سبحاان الله ...

رائعه ماتحرمينا من جديدكــ ..

دمتِ بحبـــ

رائعة · 22-11-2007, 09:20 AM

تقدرين تسميها علك Extra او زي المعجون بالمستكة..
ولا تستغربين..
انا مثلا شفت عند صديقة لي (باكستانية)..
يستخدمون بذور الهيل في تعطير الفم..
وتنباع الخلطة في علب صغيرة..

ليش نخليهم يصيروا احسن منا.....!!!!

شكرا على حضورج..

انين الجروح · 22-11-2007, 04:24 PM

رائعه

يسلموووووووو وانا بعد اول مره اعرف انه في للفم بخور

انا اهلي يستخدموا بذور الهيل لتعطير الفم

طريقه جديده وان شاء الله بجربها

لاننحرم من كل جديدكـ, يالغلا,,

تقبلي مروري

رائعة · 26-11-2007, 11:08 AM

انين الجروح..
يعني الفكرة نفسها...
(بذور الهيل)..
بس بيكون معاها اشياء ثانية..

تقدرين تسمينه..
(علوج Extra بالعربي)

شكرا على حضورج .. نورتي صفحتي.

جــنـــه · 26-12-2007, 01:04 AM

تسلمي أخيتي علي الوصفة الرائعة
وان شاء الله نجربها وندعيلك

ننتظر جديدك الطيب