كل مافي المسألة أني رفضت أحسب لغير الله حساب !!

إنكسار الورد

الـصـاحـب الـلــي كـــان مشغـلـنـي برد الأسـئـلـه
حتى سكـتّ.. وبعْدهـا صـار السكـوت أفضـل جـواب


قـد قلـت لـه: مثلـي.. عـن الــوان العـمُـر لا تسـألـه
أنــا تـسـاوت عـنــدي الـــوان الـسـعـاده و الـعــذاب


أنــا حـيـاتـي مـالـهـا الاّ لـــون واحـــد.. و اجـهـلـه
خـلـيـط مـــن الـهــوا و الـنــار و الـمــا و الــتــراب


مـا مَـرّ فـي عمـري مـراحـل.. كــل عـمـري مرحـلـه
في كل عمري كنت طفل و كنت كهـل و كنـت شـاب


أصـيـر شـايـب.. لا شـعـرت ان المقابـيـل : أرمـلــه
و اذا شـعـرت ان المقـافـي : طفـلـه..آعـوّد شـبــاب


أنـا الغـريـب.. الـلـي جمـيـع الـنـاس بــه متأهـلـه..
رغم إنّي.. اللي خاطره من عرْف كل الناس طاب !!


أبـكـي عـلـى حـالـي.. لأنــي مـاقـدرت أبـكــي وَلَـــه
و اضحك على حالي.. لأني ماقدرت أضحـك عجـاب


مـالــي شـبـيـه إلاّ الـسـكـوت الـلــي يـثـيـر البلـبـلـه
و مالـي نقيـض إلاّ الكـلام الكـذب و الفـعـل الهـبـاب


بـيـن الأمـانــي المقـفـيـه و الـذكـريـات المقـبـلـه ii..
أمشـي وخطـوات الحضـور أرسـم بهـا جُـرّة غـيـاب


أتـمـهّـل إن مـرتـنــي أيــــام الــرخــا.. مستـعـجـلـه
و اقـول لــو تقـبـل عـلـي بالـمـال : يـامـال الـذهـاب


قــدَرْت أعـيـش الـواقـع الـلـي مـاقــدَرْت أتخـيّـلـه !!
مدري أصبت العذر أو في عذري.. أخطيت الصـواب


بـس المهـم : إنـي قـدرت أضــرب لغـيـري أمثـلـه..
وشلون.. ما يرجي ثواب الصدق أو يخشـى العقـاب


لا هـو غـرور و لا تواضـع.. كـل مـافـي المسـألـه..
ياصاحبـي.. إنـي رفضـت أحْسِـب لغيـر الله حـسـاب


طـرد السـراب لْمـن يحَسْبـه مــاء.. مـاهـي مشكـلـه
المشكله.. طرد السراب لْمـن يعَـرْف إنّـه سـراب !!.


/

رشيد الدهام

كـــيفي!