][[ دكـتوراة ظلـمـ، ]][

الـكـ و و و نـ ـ ـت

السلامـ، عليكمـ، .. ،

صباحكمـ، / مسائكمـ، .. راحة بالـ، ..


العلمُـ، يبني بيوتا ً لا عمادَ لها ... والجهلـُ، يهدمـُ، بيت العز والكرمـ،


كثير منا يحب العلمـ، .. أمنية حياته أن لايتوقف عند حد معين في طلب العلمـ، ..

كثير .. يتمنى الماجستير والدكتوراة .. اذا تخرج من سنوات البكالوريوس بعقلـ، سليمـ، ..

،،،،

لماذا تغلق الابواب في وجهِ طالبٍ أحب العلمـ، ..؟

لماذا يجتهد ويحفظ ويفهمـ، ويبحث عن المعلومة .. وفي النهاية يتفاجئ باسئلة لمـ، يرى مثلها في حياته !

لماذا كلـ، هذا التحطيمـ، .. لو نتحركـ، ونعملـ، بعض الاحصائيات للكليات العلمية سنرى العجب العجاب ..

كثير من الطلاب يحولون عنها بعد دراسة سنة او سنتين فيها !

بكليتي: نتفاجئ انا وزملائي عندما نرى شعبة كاملة لاتحوي في كراسيها المحتشدة سوى طالبين اثنين .. وأين البقية ؟

انسحبوا .. حولوا .. حملوا .. انجنوا .. !

! ماهذا !

هلـ، وصلـ، بنا التعليمـ، إلى هذا الحد ..!

بلـ، إني أعرف تخصصات بأكملها لا تضمـ، سوى 3 طلاب ؟!!!

تخصص كاملـ، بثلاث طلاب ؟! (( ياعيني ياعيني ))

والسبب الرئيسي هو ذلكـ، الكائن الذي .. درَس .. وكرَف .. اجتهد وتعلمـ، .. وتفوق .. فدرّسنا ..

ربما في ايامـ، دراسته سُلبت منه علامات يستحقها وظُلمـ، كثيرا ً .. فعاقبنا ( يطلع حرته فينا )

[بعض دكاترة الجامعات] .. سيتمحور جُلـ، مافي هذا الموضوع .. عن هذه الفئة التي يتبرأ منها العلمـ، والتعليمـ، ..


،،،،


سمعنا كثيرا ً قبلـ، أن نلتحق بالجامعة بمصطلح هذا الدكتور ..

وتعريفه هو : كائن خكري ( دلوع ) جبان يتظاهر بقوة الشخصية لامتلاكه حق التصرف بدرجات الطلاب .. ولكنه في أرض الواقع دجاجة صقعاء رفعته شهادته ..


سأذكر بعض الشواهد على هذه الفئة الضالة .. عفوا ً .. الفئة المتعجرفة .. منها ما حصلـ، لي ومنها ما سمعته من صديق حصلت له ..


# دكتور بعد ان وزع اسئلة اختبار فاينالـ، يضحكـ، ويوزع تلكـ، الابتسامات الخبيثة الحاقدة وهو يرى تلكـ، الاستفهامات المندهشة على الطلاب ..!

يسئلهمـ، قبلـ، نهاية الاختبار .. ( مو فاهمين حتى الاسئلة صح ؟ هههههه معليش بس حاب اشوف وجيهكمـ، الترمـ، الجاي )


ـــــــــــــــــــــــــــــــــــــــــ


# وآخر بعد أن كلفنا بحلـ، هوموركـ، يستحيلـ، حله .. لمـ، يهدأ له بالـ، وأخذ يضرب الباب بقدمه ( جعلها بالكسر )

فتكلمـ، وتكلمـ، .. ( يحق له ) .. ولكنه شتمـ، وسب ( سكتنا له ) استمر بالثرثرة ورمى بكلمة على آبائنا ( حدكـ، عاد )

لمـ، أحتملـ، قمت وسبيته أمامـ، الطلاب .. فطردني .. مررت من أمامه وأنظر اليه بنظرة اشمئزازية .. فقالـ، بغضب ما اسمكـ، ..

قلت له اسمي بابتسامة استحقارية وقلت ( اعلى مابخيلكـ، اركبه ) .. خرجت من القاعة ببرود وقسما ً بمن رفع السماء لو تبعني لـ ( أتوطى في بطنه ) لكن ربي رحمه

حذفت الترمـ، الماضي كاملا ً .. بسبب دكتور معتوه ..


ــــــــــــــــــــــــــــــــــــــــــــــ


# وهذا آخر يغيب عن المحاضرة ويخصمـ، على الطلاب درجات ويدّعي انه كان موجود في مكتبه ونسي المحاضرة فلماذا لمـ، نذكره ..! ( نتحملـ، اخطائكـ، بوجهكـ، ذا ؟ )


ـــــــــــــــــــــــــــــــــــــــــــــ


# وهذه حصلت قبلـ، يومين لأحد الزملاء .. غاب عن محاضرة بعذر .. سلمه للدكتور فلمـ، يقبله وقالـ،:

بغيابكـ، هذا .. حرمت نفسكـ، من 5 درجات .. فسئلـ، الطالب مستغربا ً .. لماذا ؟

فقالـ، الدكتور اللطيف : (( والله ماعندكـ، ولا درجة بأعمالـ، السنة يلا رووح من وجهي ! ))

ياسلااامـ،


ــــــــــــــــــــــــــــــــــــــــــــــــ


# الاختبارات وما أدراكـ، مالاختبارات ..! الجميع يعرف كيف طريقة التصحيح والمزاجية فيها ..!


تجنبا ً للإطالة اختصرت ..

هذا نقطة في بحر مايعانيه الطالب الجامعي .. أتمنى أني أجدت التعبير عن وجهة نظري ..


ــــــــــــــــــــــــــــــــــــــــــــــــــ


اسئلة بودي أن أجد لها حلـ، :

1- أين دور الإدارة بالمراقبة والتحقيق مع هذا النوع من الدكاترة ..؟

2- لماذا لا يسمح للطالب بمراجعة ورقة الاختبار والتأكد من تصحيح الدكتور ..؟

3- لماذا يعيّنوا ويتعاقدوا مع دكاترة مكانهمـ، الأصلي .. مرضى في مستشفى الأمراض النفسية ..؟

4- هلـ، سيتطور التعليمـ، وعندنا دكاترة كهؤلاء ..؟

5- ( دكتور حاقد ) مالحلـ، معه ..؟

،،،،،،

همسة أخيرة بإذن كلـ، دكتور يقرأ كلماتي .. << ( بيوزع رابط نزف بالكلية هـع )

إياكـ، ودعوة المظلومـ، ..

التعرض للظلمـ، يثير المشاعر بشكلـ، سيء فما بالكـ، بظلمـ، من انسان المتوقع منه ان يكون قدوة حسنة وشخصية عادلة ..!

سلآلآلآلآلآلآلآمـ،

{{ NASSER }}

اقدر جهودك الكونت في الموضوع المتألق في التقديم والموضوع ومناقشته


دائماً متميز


اخوك

ناااااااااااااصر

الأسـ$ــطـورة

[color=#000000][align=center]

ا

اقتباس:

لسلامـ، عليكمـ، .. ،

وعليكم السلام والرحمه

اقتباس:

صباحكمـ، / مسائكمـ، .. راحة بالـ، ..

علينا وعليك يارب

اقتباس:

العلمُـ، يبني بيوتا ً لا عمادَ لها ... والجهلـُ، يهدمـُ، بيت العز والكرمـ،

صح لسانك


اول شيء لما ابدي راي ابغى الجميع يعلم اني لااعمم كل الدكاتره ؟؟!! بعضهم فيهم الخير والبركه
بس للأسف قليل لكن احنى نبي نتكلم عن هالشريحه المنحطه من الدكاتره!!

انا قريت من موضوعك نقاط وعرفت وش تبي بالضبط ...


بالنسبه لكلامك تعب ودراسه واجتهاد واخر شيء النتيجه لاتسر وتلقى شيء قدامك تقول منزل عليك من السماء اول مره تشوفه ؟؟؟

بالفعل هذه حدثت مع كثير من الطلاب... طبعاً مانتكلم عن الطلاب المهملين واللي مايذاكر واخر شيء يقول اسئله صعبه وراح احمل الماده لا نتكلم عن الشريحه توب التوب من الطلاب...

فيه طلاب يذاكر ويتعب ويجتهد والنتيجه ماذا؟؟؟!!!

للاسف يعني يحمل الماده وتلقاه يفحط بالورقه ومايسوي شيء... هنا نحط اللوم على الدكتور ليش كل
هالتحطيم يعني شيء يقهر يحطم جد... والواحد يقول اذا هذي اولها ينعاف تاليها... ويمكن تهمل بالمواد
الثانيه والسبب هالماده والدكتور وتقول راح اتعب واكدح واخر شيء؟؟ بيصرلي مثل ماصار للماده الاولى...


وانا لاحظت يعني للأسف مثل ماقلت فيه بعض الكليات فاضيه اين الطلاب ؟؟؟
تلقى كشف الدكتور فيه 50 اسم 60 اسم مافيه الا 13 طالب الى 20 وبعض الاحيان اقل من 10 طلاب... لكن هنا لانحمل المسؤلية للدكتور كاملة ؛؛؛هناك مسؤلية ايضاً تقع على الطلاب لماذا هذا التسيب والغياب وعدم الالتزام لعل من بعض الاسباب ؟؟؟

الدكتور نفسه ومادته من اسلوبه وكلامه وتهديده للطلاب يقولون ليش: نحظر ونتعب عمرنا حاملين حاملين الله لايعقب شر...


ومثل ماذكرت تقول ان البعض مرضى عقول والشهاده اهي اللي رافعته ؟؟؟!!!
كثيرين هالأشكال [الله لايكثرهم ]...

وياليت يقف الحد على كذا ليتهم يخافوا ربهم كمان لا يظلم ويتلكم ويسب ويجرح الطلاب طبعاً الطالب ساكت مايحرك ساكناً لماذا ؟؟؟

خايف على مستقبله المسكين يبقى صامتاً ويقول : امسك نفسي ازيلي وماينتهي فيني المطاف بالرسوب بالماده او حذف الترم زي ماحصل مع الكونت... لماذا هذا الصمت يسود على الطلاب؟؟؟

للأسف احنى عودانهم على كذا يعني لو فيه جراة طالب ويعرف يتصرف ماصار كذا... يعني مااقولك تكلم عليه وبداله نفس اسلوبه وغلطه واغلط زيه!!!

لا وقفه عند حده بماذا توقفه بالضرب بالشتم بالتهديد على سيارته ورسايل الايميل والجوال؟؟؟!!!
لا والف لا لكن بتسجيلة جوال مثلاً وانا اضملك حقك وحق الطلاب كلهم ولا راح يقدر يمسك ولا يتهجم عليك مره ثانيه بطريقه سريه طبعاً... واوصلها للادارة الجامعه يعني اول كنا نقول لاحياة لمن ينادي!!!
لكن الوقت الراهن فيه تفهم من الادارة والمسولين..

طبعاً هالكلام ماجبته من فراغ صارت في احدى الجامعات شتم وسب من بعض الدكاتره ماذا حصل ؟؟؟ كل مافي الامر سجل احد الطلاب كلام هالدكتور والنتيجه تسر احال وقفوا هذا الدكتور عند حده ...

هذا الطالب اللي فعلها اشجعه صراحه على جرائته

وصار هاجس في بعض الاحيان بالوقت الراهن للدكاتره يخاف يحصله مثل هذه الامور!!!

تقولي راح احذف نفسي في مهاوي الرداء وارسب واحمل الماده وماذا الفائده ؟؟؟
وقفته عند حده وافتكينا من سبه وشتمه... اخر شيء راسب ضاع مستقبلي ...يشتمني ويسبني ابرك من يروح ويضيع مستقبلي اقولك :

لماذا الخوف خل عندك جراءة تقولي: جراءة تبي تورطني انت ؟؟!!

اقولك بصراحه: اول كنا نسمع ونسمع عن الدكاتره من اخوانا اللي سبوقونا بالدراسه لكن كانوا لانستطيعون فعل اي شيء في ذاك الوقت كان فيه غياب كثير من المراقبة ... لكن جاء دورنا الحين احنى بالجامعه وخضنا هذه التجربه... لكن مايمطمن بالامر اكثر انها تبدلت هذه الامور قد اقولك فيه بعض الدكاتره الظالمين موجود وبكثره لحدالان!!! لكن صارت كلمة الطالب مسموعه بالجامعه ...

انا حصلي تهديد وسب لي ولازملائي الطلاب من دكتور؟؟؟
وماده تافه يعني اصلا لاخوف من رسوبك فيها لكن كان يتوعدنا بالرسوب !!! بالفعل لم اسبه او ابداله نفس كلامه لكن لم يجرحني ولم اطلع من طور نفسي...
واعصب بالعكس خلصنا من المحاظره اجتمعنا انا وزملائي وتكلمنا وقلتلهم بالله راضين باللي يسويه فينا ؟؟؟

والمشكله ملتزمين وحظور وادب قالوا اكيد لا ماانا راضين وبعضهم بدأ يشتمه ويتوعد فيه قلت معي !!! قالوا معك وين بس امر قلت :
نروح لأحد المسولين بكليتنا ونشرحله الوضع ونشوف وش يشور علينا فيه...
جيناه كلمناه بطريقه وديه وعلمناه باللي صار معنا الله يجزاه خير كان متفهم الامر جداً قال عطوني اسمه وانا راح اجيه بطريقة سلميه بدون شكاوي!!!
لو اضطر الامر الى ذلك اكتبولي فبه تقرير كامل وش اللي حصل معكم وانا راح ارفعها فيه ...

اول كنا نحظر نقول لاعاد الله من دكتور ومن ماده ونتكلم فيه بعدها باسبوع واحد فقط !!!
من كلامنا مع هالمسؤل انقلب الحال الى افضل حال ...جانا بابتسامه قلنا غريبه بقلوبنا طبعا يتكلم معنا بلطف قلنا وش صار بالدنيا يارب يبقى كذا عالطول... لما نقرأ ونشارك دايم يهايط ويتكلم ويسب الحين الفلاني اقرا بدون اي شتائم ...

الاسبوع اللي بعده كانت وقت المحاظره مباراة السعوديه وقطر... تخيلوا قال يالله اليوم مافيه درس مراجعه خفيفه وكلن يروح لبيته...كانت محاظرته الظهر وراجعنا معه واحلى مراجعه... ورحنا طلعنا من القاعه نتسائل مالذي حدث ؟؟؟!!!

بالفعل كانت تجربه وجراءة اكثر من رائعه وياليت تستمر هالمحبه... الجميل في الامر ليس خروجنا ومشاهدة المباراة طبعاً هذا شيء نحبه مااخفي عليكم... لكن اجمل مافي الامر اهو احساس الدكتور فينا وباللي حوله يعني تحس فيه تواصل بين الطالب والدكتور فيه اخويه ...

واتخيلوا هالدكتور اللي كنا نكرهه !!! الكل اخذ عنده A بلس والعجيب بالامر كان يتواعدنا بالرسوب يعني شوفوا كيف الواحد لما يعرف كيف يتصرف ويحكم عقله ...


لعل البعض يختلف معي ويقول :صادفت وحده وضبطت معك لكن مااحد راح يسمعنا باكثر الاوقات؟؟!!

ارد عليه واقوله :هل جربت اما كلام من تلقى نفسك اومن بعض الطلاب؟؟؟

انت روح جرب شوف لو توصل الى شكاوي ماكو مشاكل... بس على الاقل تروح الاهانات وينضبط وبالعكس يمكن يتسحن للاحسن حتى لو كان دكتور وقح!!!واذا فيه شتم وسب لو بعض الحلول اهي تسجيلة جوال ..


وبالنسبه لتصحيح الاسئله ؟؟؟
اعتقد نقطه سلبيه وفيها ظلم عند بعض الدكاتره لا يعدل فيها ولا يعطيك حقك!!!
كما نسمع الكلام عنهم اللي يقول: فيه دكاتره ماتصحح تحذف الاوراق واللي يطيح فوق المتكب ناجح واللي يطيح تحت راسب ...وبعضهم يقولون: فيه دكاتره اكتب اي شيء ماعليك اهم شيء حسن خطك ورتبه راح ينجحك ... وفيه بعضهم عبيله الورقه وماراح تحمل ...
يعني هذه بعض الكلام المتوارد بين الطلاب لاندري عن صحة هذه الشائعات قد يكون فيها بعض الصحه...


لو نبي نتكلم ماخلصنا من هاجس وكابوس الدكاتره لكثير من الطلاب والمواقف اللي صارت مع الطلاب ...



خلينا نجاوب على اسئلتك ونختم !!!

اقتباس:

1- أين دور الإدارة بالمراقبة والتحقيق مع هذا النوع من الدكاترة ..؟

يمكن اول اقولك لا لكن بالوقت الراهن الحمد لله موجوده وصار فيه تطور كثير وقليل مانسمع احداث كثيره مثل قبل ...لكن السلبيه بالامر هو صموت الطالب وعدم مجاراة وجراءة الطالب في الموضوع ...

اقتباس:

2- لماذا لا يسمح للطالب بمراجعة ورقة الاختبار والتأكد من تصحيح الدكتور ..؟

موجوده لكن بطريقة ما... انا اعرفلك جامعة القصيم يقولون تراجع ورقتك بمبلغ وقدره 500 ريال...
اذا والله طلع اخطاء من الدكتور راح يعدلها لك... اذا مافيه اخطاء الا منك راحت عليك... تقولي ليش هالاحتكار ؟؟!!
اقولك : لو ماسووا كذا الكل راح يجي يراجع ورقته ويقول انا مااعتقد درجتي كذا... يالله خلنا نشوف ورقتي وماراح يخلصوا من هالسالفه لكن الواثق اكيد بيدفع وماعنده مشكله وبعدين...
انت تخيل عدد الطلاب بالجامعه ولو كل واحد راح يراجع ورقته ماراح يلحقوا ويخلصوا من عوار الرأس!!!

اقتباس:

3- لماذا يعيّنوا ويتعاقدوا مع دكاترة مكانهمـ، الأصلي .. مرضى في مستشفى الأمراض النفسية ..؟

وربي صادق ليش كذا مافيه غيرهم يعني لكن اعتقد هنا تأتي مشكلة التعاقدات...

اقتباس:

4- هلـ، سيتطور التعليمـ، وعندنا دكاترة كهؤلاء ..؟

لاا اعتقد بل سوف تزيد معانأة بعض الطلاب بالجامعه [ويحفروا لين مايدوخوا فيها] ويالله اللي يتخرج بـ 8 سنوات واللي بـ 7 سنوات واهو اصلاً تخصصه اربع خمس سنوات ...لكن مااخفي عليك المجتهد راح يمشي بعزيمته واصراره يعني مو كل ترم بيقابل دكاتره من هالنوعيه مره مثلاً ويعديها ..

اقتباس:

5- ( دكتور حاقد ) مالحلـ، معه ..؟

حل زي ماقلتلك باللجو لمسؤلي الجامعه وبتقرير من وراه انتم والطلاب راح ينفع مانفع معه فيه اساليب اخرى بالتكنولوجيا الحديثه ايضاً ..اهم شيء نشيل الصموت والخوف اللي فينا وتصير فينا جراءه وراح يتعدل الحال ...


هذا كل مالدي حبيت انا اشاركم فيه وربي يوفقكم ويوفق الجميع بدراسته وبدينه ودنياه

الواحد يجتهد ويعمل اللي عليه والباقي على ربكم سبحانه والظالم جزاه رب العالمين


اخوي الكونت سلمت يداك على طرحك المميز وان شاء الله يكون اخر ترم تحذفه

اعرف هذا الحماس لم يأتي من فراغ من حر مافي قلبك لكن نقول خيره ان شاء الله


دمتم بعيدين عن الظلمه والظاليمن

سلااام

صمت الطريق

السلام عليكم ورحمة الله

أعتقد أن الموضوع يتكلم عن أحدى الجامعات بالرياض وهي جامعة الملك سعود على وجه التحديد

فيها أشياء كثيرة مما قاله أخي الكريم

وكما قالوا الاخوان انها شريحة معينه ولكن كما قالوا " الخير يخص والشر يعم"

وبما أننا نتكلم عن جامعة كبيرة مثل هذه الجامعة بعدد يصل إلى 50 ألف طالب ولا أعلم كم عدد أعضاء هيئة التدريس ولكن أعتقد أنه يقارب العشرة آلاف عضو هيئة تدريس إضافة إلى المهندسين والفنين بالمعامل

عندما يكون عشرة أعضاء هيئة تدريس من هؤلاء العشرة ألاف سيئين

قد يضلمون حوالي ألف طالب كل سنة وهم نفس هؤلاء الاساتذه ولكن يختلف الطلاب

سأبسط الأمور أكثر

في هذا الفصل ضلم هؤلاء الأساتذة 100 طالب ، وفي الفصل التالي أيضا 100 طالب

أصبح هناك الآن 200 طالب قد ظلموا وقد وصل صوتهم بسبب كثرة العدد والمشكلة أنها فئة قليلة جدا من الأساتذه ، أي أن الاخبار السيئة تعمم على الجميع وأن جميع أعضاء هيئة التدريس بالجامعة سيئئن وهذا غير صحيح ولكن كما قلت الشيء السيء ينتشر ويحفر في العقول

ما أريد أن اصل له

أن فئة قليلة من الأساتذه قد أساءوا إلى جامعة كبيرة جدا تضم أعظم العقول في التخصصات العلمية وتظم أفضل الاساتذة حول العالم

وهذه الفئة هم سبب تدهور سمعة هذه الجامعة وجميع ا لمواقف التي تحدث مع ا لطلاب المظلومين هي من أشخاص يكررون هذه الاخطاء


وهذه وجهة نظر خاصة

تقبلوا مرري

احلاهم واغلاهم

^

طيب وين العمادة عن هـ الأشكال...؟؟


أنا السمستر اللي فات درستني دكتورهـ الشهري كامل عندي ومتأكدهـ 200% والنهائي ماعندي الا أخطاء تشكيل حركات..


لما طلعت نتيجة المادة اتفاجأ C كلمت البنات وسألتهم عن درجاتهم بـ المادة هذي بعدها حمدت ربي لأن كل البنات D ...

توقعنا يمكن غلطانين بشي يمين يسار..

من بكرا بالجامعة كنت أسولف أنا ووحده من البنات عن درجاتنا بـ المادة هذي كانت جنبنا شلة معانا بنفس الشعبة..

سمعونا وحنا نتكلم سألونا أحد منكم أخذ أعلى من C قلنا لا قالوا حتى احنا..!!!!

رحنا سألنا عن هـ الدكتوارة قالوا لنا اللي ياخذ عندها C رآضيه عليه..

ومن دخلت الجامعة ماعمر أحد أخذ عندها أكثر من C..!

رحنا قلنا لعمادة القسم ردوا علينا هذي دكتورتكم تفاهموا أنتم معاها..!!

لعنبو بليسكم ليش حاطينكم دام مالكم دخل..!!

الكونت وربي أنتم ربي راحمكم بالرجآجيل..

ياحليلهم وربي لاقلت له دكتور أحذف هذا مانبيه قال طيب إن شاء الله ..

والاسئلة لاقلت واجد المنهج قال طيب الاسئلة كلها صح وخطأ واختياري..

وربي درسني دكتور ماعمري سألت أحد عنه الا يقول مبروك بتحملين المادة لا بنات ولا عيال..

دخلت الاختبار وأنا ماذاكرت لأني ضامنة أني بحمل المادة..

الاسئلة الصفحة الأولى أنسبي الكتب لمؤلفيها والثانية هذا الكتاب الفلاني كتبه فلان بن فلان تكلمي عنه..

يعني المسأله نسخ فقط الاسماء..

موهوب الحريم أستغفر الله بس تعطيك الاسئله يقالك تغششك وتقول مالكم الا اللي عاوزينوه أنتو زي أخوآتي..

أنا آخر ترم لي بالجامعة هالترم وأبي البنات يذكروني بالخير..

تحفظ اللي تعطيك تجي للأختبار تتفاجأ ماجابت الا فقره وحدة من اللي عطتك والباقي من برى المنهج..!

وين اللي أقل وحده بتاخذ عندها بتاخذ A ..!

تقدر تروح تشتكي..! ماتقدر بيقولون ضف وجهك شين وقوي عين مغشش وتشكي..!

بقولك موقف صار لي أنا أيام فترة الإضافة والحذف عشان يبين لك مدى تفكير الحريم..!!

رحت السبت عشان الزحمة تكون قليل أدور جدولي قالوا لي مانزل..!!!!!!

رحت لهم الإربعاء أخذت الجدول طلع لي منزلين لي مادة أنا دارستها السمستر اللي فات..

رحت بحذفها ترد علي بكل برود سوري مافيه أنتي جاية آخر يوم مارآح أضيف لك أو أحذف لك أدرسي المادة من جديد..!!

أنا منجد فيسي لاتعليق عيوني بدت تدمع من القهر<=-ياشين اللي متعود أمه توآسي له كل شي وماتعود يضبط لنفسه شي

رحت لسكرتارية خلآص لو يقولي أحد شي صحت أكلمهم وأقول وش أسوي بذا الغبية اللي أنتم حاطينها قالت روحي لمبنى أربعه..!!!!!

تخيل من 25 إلى 4 <=-=-اللي بسعود يعرف وش يعني هالمشوآر الطويل خصوصاً أني رايحة رادة منه..

طلعت من عندها ودقيت على صديقتي جلست أصيح من القهر..

قالت لي لاتروحين لذي رافعة خشمها روحي لفلانة تصلح لك على طول<=-يعني على المزآجية يطلعون قرآرتهم..!!!

ساعة ماسكة سرى بروح أحذف المادة دقت علي وحدة من البنات وتلتفت علي اللي تضبط الجدول وتقول نغمة جوالك حلوه أعجبتني..!!

هزيت رآسي أبتسم رجعت تقولي لو هالبنات يرضون وربي لا أقدمك عليهم كلهم عشان نغمة جوالك..

قلت لا مايحتاج مشكورة..

جلست تضبط جدولي قالت لي حذفت المادة بس ماقدر أضيف لك الشعب تسكرت..!!

قلت لا بلييز كل اليوم أنتظر وآخر شي ماتضيفين لي..

آخر شي التفتت علي وقالت عشان نغمة جوالك معجبتني أوكي بضيفها لك..

صديقتي وراي على طول قالت لها أنا طيب ضيفي لي المادة قالت لا سوري حطي نفس نغمة جوالها وأضيف لك..!!!

يعني أحمد ربك على اللي عندك وربي لو تجيك وحده من هالدكتورآت أن تعرف قيمة هاللي عندك وتحمد ربك..


سوري ع ـالإطالة بس الموضوع هذا يسبب لي حسآسية منجد

الحــ(المستحيل)ــــب

الكونت
دخلت ابي ابكي
لقيت























نفسي اصيح واعيط واعيط واعيط
خلها في القلب تجرح وبس

هـآوي جنونك

لــي عــودهـ

أن شاء الله

نقـآء