$ .. وكاد ان يفعلها خيتااافي .. !!

كـــيفي! · 11-04-2008, 03:42 AM

..

..

حمل الوقت القاتل الابتسامة لبايرن ميونيخ الألماني ليعبر إلى الدور نصف النهائي من مسابقة كأس الاتحاد الأوروبي لكرة القدم عقب تعادله في إياب ربع النهائي مع مضيفه خيتافي الإسباني 3-3 (1-1 ذهاباً) أما في اللقاءات الثلاثة الباقية فصعد كل من زينيت سان بيترسبورغ الروسي رغم خسارته أمام ضيفه باير ليفركوزن الألماني 0-1 (4-1 ذهاباً), وفيورنتينا الإيطالي بفوزه على مضيفه إندهوفن الهولندي 2-0 (1-1 ذهاباً), ورينجرز الاسكوتلندي بفوزه على مضيفه سبورتينغ لشبونة 2-0 (0-0 ذهاباً).

وبهذه النتائج يلعب في نصف النهائي بايرن ميونيخ مع زينيت سان بيترسبورغ, وفيورنتينا مع رينجرز, وستجري مباريات الذهاب في الرابع والعشرين من نيسان/أبريل, والإياب في الأول من أيار/مايو, وسيكون ذهاب اللقاء الأول في العاصمة الألمانية ميونيخ أما الثاني في العاصمة الاسكتلندية غلاسكو.

~~المصدر : الجزيرة~~

________

مباراة .. خيتافي Vs بايرن ميونخ

خيتافي ذاك الفريق الـ متواضع > مع انه في الدوري المحلي متعب الكبار < يواجه الفريق البافااري الكبير .. اللي ما يحتاج اي تعريف

قبل المواجهة الاولى بين الفريقين .. كان هناك تصريح للمدرب الالماني هتسفيلد : خيتافي .. لم اسمع بهذا الفريق من قبل .!!

طبعا ً جت ردت الفعل من لاعبي الفريق الاسباني : بأنهم راح يعرفونه بـ خيتافي .. ومين خيتافي .. الخ

وبالفعل .. مباراة الذهاب كانت بلمعب الاليانز ارينا .. مباراة صعبة جدا ً استطاع الفريق الاسباني ان يتعادل هناك < وهذه شغلة تحسب له

مباراة الاياب .. كانت بكل بساطة " حرق اعصاب " ..

خيتافي كل اللي عليه ان يحافظ على نظافة شباكة .. > واستطاع بكل جدارة طول المباراة ان يحفظ هذه المنطقة < على الرغم من طرد ديلاريد من الـ د 7 من بداية المباراة ..

قبل نهاية الشوط الاول استطاع كونترا ان يسجل اول اهداف الفريق ..

الشوط الثاني كان صعب جدا ً على الفريق الالماني .. وتقريبا ً قبل لا نفقد الامل سجل رييبري هدف التعادل في الدقائق الاخيرة ..

رجعنا من اول وجديد اشواط اضافية ..

اول دقيقتين سجل خيتافي هدفين .!!

مهمة صعبة للبايرن .. > هم يالله يالله سجلوا هدف الحين هدفين <

الشوط الاضافي الثاني .. بدأت الاخطاء من الفريق الصغير .. قليل الخبرة .. وبدأت اخطاء حارسه المعتادة " باتو " .. اول خطأ منه .. كان لصالح لوكا توني .. هدف الماني ثاني ..

وبـ اخر دقيقة وقبل صفارة الحكم .. شاهدنا اغلى اهداف الايطالي لوكا توني " هدف رأسي " وكذا تأهلوا ..

المرشح الاول لهذه البطولة هذا الفريق الكبير .. و شي طبيعي انه يتأهل لكن انا متأكدة ان هتسفيلد ماراح ينسى هذه المباراة وهذا الخصم ..!!

خيتافي فريق يخوف .. كاد بالفعل ان يفعلها ..

نرجع للفرق الاربعة المتأهلة ./

زينيت : فريق مهاري .. ايقاعه سريع .. ممتع

مواجهته مع بايرن بـ تكون قوية .. > اتصور اقوى بكثير من خيتافي <

فيورنتينا Vs رينجرز

ما يحتاج فريقين معروفين ..

..

..

مووووودي · 11-04-2008, 04:39 AM

يعطيك العااافيه ع الطـــــــــرح

راســمـ البسـمــة · 11-04-2008, 09:23 AM

مباراة مجنونة بمعنى الكلمة ..

خيتافي أبطال .. أبطال .. شوية عليهم كلمة أبطال . من أول عشر دقايق يلعب ناقص ويصاب أفضل مهاجمينه ويسجل بالبايرن 3 أهداف . غلطة لاودروب كانت بإخراج كونترا

إذا ماكان كونترا مصاب فخروجه غلطة فادحة . الفريق كان بينه وبين التأهل ثواني لكن ريبري و توني كانو بالموعد .

خيتافي عدموا البايرن بالمرتدات , دفاع ثقيل وهالعيب إستغلوه مهاجمين خيتافي إستغلال ضعيف .. أقول ضعيف لأن خيتافي على دفاع البايرن النايم كان يقدر يجيب أكثر من ثلاثة .

ديمكليس أكبر خطأ إستمراره بالمباراة , لاعبين خيتافي فلوها عليه .. يدف اللاعب الكورة من اليمين و يدز من جهة اليسار و ينفرد بالكورة وديمكيلس يالله يشيل نفسه ..

بودولسكي سيء سيء سيء وزد عليها غبي .. تغييره على حساب زي روبيرتو غلط .. سبحان الله هاللاعب من أيام كأس العالم رغم التطبيل فيه وأنا ما إقتنعت بلعبه . أناني من الدرجة الأولى , ثقيل , كسول , وماعنده أي روح معنوية , عقليته لو فريقه مهزوم نفس عقليته لو فريقه فايز 10 - صفر !

وفوق هذا شايف نفسه عالكورة وزعلان ليش مايلعب أساسي !

حركته بعد الهدف الثاني طلعت الفريق من جو المباراة , بعدها ماقدر البايرن يركز ولايبني ولاهجمة منسقة إلا الهجمة الأخيرة يوم تقدم كان .. يوم تقدم العملاق إستوعب الفريق الموقف وإستماتو بالهجمة الأخيرة .

ريبري .. أصعب شي تحب لاعب وتتحمس له و يلعب لفريق ماتحبه ..

يجيك شعور ماتدري وش يبي , ودك البايرن ينهزم و بنفس الوقت ودك ريبري يستانس !

ريبري نجم المباراة الأول مع توني , من بداية المباراة وهم يتعرضون لإستفزاز من دفاع خيتافي خصوصاً من الوصخ بيلنغوير ..

عموماً مباراة للتاريخ .. خيتافي حفروا إسمهم بالذاكرة خصوصاً ذاكرة بيكنباور , مثل هالفريق الصغير عاشر اللاليغا يواجه متصدر البوندسليغا ويمصخره رغم الإصابات و الطرد الظالم بأول عشر دقايق .. فريق قدر يهين البايرن بطريقة ماقدر يهينه فيها متصدرين الليغا و الكالتشيو .

مهما كان بيكنباور مبسوط من (تأهل) اليوم , متأكد إنه ماكان وده يشوف فريقه يعاني بها الطريقة ضد فريق (يدعي) إنه ماكان يعرفه وبالأخير يتأهل بدون (فوز) في المباراتين !

مبروك للبايرن علشان ريبري كيفي ! بس ـخخخخخخخـ , وحظ أوفر لكتيبة لاودروب ..

لاودروب في الليغا , وساوثغيت في البريمر .. بيكون لهم شأن بعالم التدريب .

كيفي !

ترى اللي صراح انه ما يعرف فريق خيتافي بيكنباور مو هتسفيلد

بصراحة ما شفت الا لقطات من المباراة
اما هدف موتو الأول شي من ضرب الخياااال

فيورنتينا تاهل الف مبروك توقعت تـــأهل الفريق
رغم تعادله بملعبه ذهابا 1-1
تذكرت نتايج اندهوفن بملعبه هالسنة وتفائلت خسارة من رديف الانتر تعادل مع فنر بخشة خسارة من توتنهام قبل الفوز بركلات الترجيح

اما في فرصة لموتو حرام ما تتسجل اللي لقطه غوميز باللحظات الاخيرة

فري بطل صد بلنتي يمكن وبقوة يرجع ايندهوفن للمباراة

فيورنتينا مع رينجرز ان شاء الله يعدي وياصل النهائي يسجل اسمه بسجلات التاريخ حتى اذا ما حقق البطولة

مشوار الفريق اوروبيا هالموسم ولا اجمل حتى محليا المركز الرابع اللي ان شاء الله ما يتأثر بمشاركته الاوروبية
حرام هالفريق ما نشوفه بدوري الابطال الموسم الجاي

من يصدق ان فيورنتينا كان معرض للخروج من الدور الاول قبل الانتصار الحاسم بركلات الترجيح
من فريق هولندي اسمه جروينجن !

كيفي !

يعطيك الف عافية على هالتغطية
ونبي تغطية اكبر الاسبوع الجاااي
خصوصاً لمباراة اليوفي والميلان
والمان يو والارسنال ..

دمتي بخير .

كـــيفي! · 12-04-2008, 02:13 AM

..

..

حياك راسم .. تسعدني تحليلاتك دائما ً لـ لمبارايات

اقتباس:

عموماً مباراة للتاريخ .. خيتافي حفروا إسمهم بالذاكرة خصوصاً ذاكرة بيكنباور , مثل هالفريق الصغير عاشر اللاليغا يواجه متصدر البوندسليغا ويمصخره رغم الإصابات و الطرد الظالم بأول عشر دقايق .. فريق قدر يهين البايرن بطريقة ماقدر يهينه فيها متصدرين الليغا و الكالتشيو .

اتفق معك في هذه

اقتباس:

ترى اللي صراح انه ما يعرف فريق خيتافي بيكنباور مو هتسفيلد

الراس الكبيرة اجل زين ما سوووا فيهم ( اعتذر عن هذه الغلطة )

وعلى قولتك .. ما شجعنا بايرن الا عشان رييبري > هـ اللاعب يعطي نهكة لأي فريق يجي فيه

ولو اني اختلف معك بِشأن بودولوسكي صحيح كل اللي قلته ما اخالفك فيه لكن لو كنت تتابع المباريات اللي يلعبها في الدوري .. راح تشوف انه احيانا ً يكون ثنائي خطير مع ريبري .. هناك اهداف حلوة كان هو طرف فيها ..

عموماً الفريق البافاري في هالمباراة ما كان مقنع وخيتافي صراحة مثل ماقلت انت بإختصار ابطال ..

اقتباس:

بصراحة ما شفت الا لقطات من المباراة
اما هدف موتو الأول شي من ضرب الخياااال

شاهدت الهدف < فاتتني المباراة > هدف بالفعل خياالي > اصلا ً اهداف موتو كلها كانت حلوة

اقتباس:

مشوار الفريق اوروبيا هالموسم ولا اجمل حتى محليا المركز الرابع اللي ان شاء الله ما يتأثر بمشاركته الاوروبية
حرام هالفريق ما نشوفه بدوري الابطال الموسم الجاي

لا ازيد على هذا

..

مشكور يا راسم على التعليق

لكن

اقتباس:

ونبي تغطية اكبر الاسبوع الجاااي

ما ادري والله على حسب المزاج

اقتباس:

خصوصاً لمباراة اليوفي والميلان

اتصور تغطيتكم انت او روح عنها بتكون افضل

اقتباس:

والمان يو والارسنال

مش تبعي

..

..

яṑṓ7έĻḿşħά∂я · 12-04-2008, 02:29 AM

صراحه مقهور لإني فوّتها ، يعني مثل هذه المباريات المشبعة بالأهداف ماتتعوضش ..
المشكله كان الريموت في يد واحد كأنه جاي من صحراء اول مرة يشوف رسيفر
عشان جذي ماشفت من المباراة إلا لقطات كالعادة ..

لكن فيه شي لفت انتباهي وهو لما كانت النتيجة 3-1 لـ خيتافي في الشوط الاول الاضافي
وبالرغم من ذلك شفت ان بايرن يلعب بدون نفس أو انه يمثل بهالشي !
وفعلاً مثل ماتوقعت دخلت موقع كورة اليوم واشوف النتيجة 3-3 !
يعني كان قتل اللعب تكتيك من مدرب البايرن ..

اتمنى يكون النهائي بين البايرن والفيولا .. ودي اشوف توني كيف بيسوي !؟

فيه شي بعد .. نفس الشخص اللي معه الريموت صراحه افادني بـ شغله خخخخ
قال لي : ان مسؤول في البايرن وقت سحب القرعة قال "من هذا خيتافي؟!" يعني يستهزئ ..
واللي اتضح لي انه مثل ماقلتِ هو المدرب هتسفيلد واللي يتضح بعدين انه بكنباور ..
لكن خيتافي صراحه اجبر الكل على احترامه .. يعني صعد من الدرجة الثانية قبل 4 مواسم
ونجده ينافس على بطولات مثل كأس اسبانيا اللي اقصى منه برشلونه ويبدع بكأس الاتحاد الأوروبي ..
بالفعل فريق كبير رغم قلة الخبرة ..

تقديم ومعلومات شيّقه Ms كيفي!
ثانكس ألوت ..

كـــيفي! · 12-04-2008, 07:55 AM

..

..

روح انت كل المباريات المهمة فاتتك > عقبال مباراة الليله خخخخخخخخخ

اقتباس:

اتمنى يكون النهائي بين البايرن والفيولا .. ودي اشوف توني كيف بيسوي !؟

الكل ينتظر هذه النهاية

حياك خيوو

..

..