$ .. راحت سنين الحنيني والعفيس > أمثال شعبية من ديرتي ..

كـــيفي! · 04-05-2008, 02:49 AM

..

..

السلاام عليكم ورحمة الله وبركاته

صبحكم الله بالرضى

بما ان الجميع قاعد يتفاخر بديرته ليه ما نفاخر حنا بعد

لكن هـ المرة بدون صورة بدون غبرة كــح كــح

هذه أمثلة شعبية شقراوية > بعضها متداولة عند الجميع < وبعضها محلي بحت

نبدأ بسم الله

..

× فلان شارب من الحميضيَّة.

× لاتقوم من مكانك وعندك شقراوي.

× لولا البقرا مارحت أقرا عند مطيويع أهل شقرا.

× الملح مايجلب على أهل القصب.

× راحت تجيب ما واعرست.

× السيل ما يمْرِح في الصفراء. < اسم حي >

× شايفه راعي الغنم.

× الشتاء يبي صميل والقيظ معك علمه.

× من أوفى دينه نامت عينه.

× من غاب عن عنزه جابت تيس.

× شريكك في البضاعة مايغشِّك.

× وجه العون بـيِّن.

× عفن الما ولا عفن الرجال.

× تطيرين ولا ماتطيرين مصيوده. < ما لها حل >

× ماهيب تخر بس فيها شقيق.

× جفرة طاحوس ماطاح فيها ماظهر.

× ماندري وش اللي يجوز للحضر. < هــع وما راح نعرف هـع >

× إقطع لها من جنبها عصا.

× المهتوي يقطع المستوي.

× قال حك العلم قال أخاف احكِّه يقاوع.

× ذلك ماكنا نبغي.

× أحلى من ماء شقراء.

× قال صبَّه قال إحقنه.

× صاد جربوعه ونسي ربوعة.

× قال رقِّع يابومرقِّع قال ذا شن ماينترقَّع.

× جرادٍ ياكل حيِّه ميته.

× حمارٍ تركبه ولاحصانٍ يركبك.

× المال قرون الرجال.

× اللي ماله شي هو اللي مايضيع له شي.

× بشّري نفسك يا خالة.

صدره أوسع من الرحبه .

× هاته وهات عباته .

× أبعد عليك من حبَّة كوعك.

× لو ينبت الشعر في راحة يديك.

× قمر العام سوِّس وطاح. < >

× حكي بعارينٍ مْعَشْيَه. < يعني الظاهر ماعندكم سالفة >

× قال لحظه وراك قاعد وتلاهم الماء قال أسقني وإلا إنسدحت .

× وريتك فيهم قلت لثورهم قَفْ .

× عفونا يا عجوزة .

× يقاقي ولا يلاقي .

× كلن ينتش حتى الحنتش .

× جانا الحبردي يَرْدِيْ ومكحَّلٍ بالوردي . < هذه لعبة نلعبها >

× قال أبوك يفتل وأنت تنقض قال أبوي يفتل الخير وأنا أنقض الشر .

× قالت سم على وليدي لايلاطفونه الجن قال توِّي مارهم يقرون على ولدهم ملاطفة ولدك.

× يشق ولا يخيط.

× على نحايا القلب يمشن الأقدام.

× اللسان مغراف القلب.

× يوم قسم بينهم الورث وبقي ريال قالوا وش نسوي به ياسعد قال تناهبوه. < يعني تقاسموه > الظاهر !.

×عمِّي عسكر طاح في الدبَّة وانكسر عصِّة صاد غراب راح يبيعه في المجباب ماسَوي لو كسرة مشعاب.

× ولد اللاش صاد جْرَيّ قلت أطعمني قال شْوَيٍَ قلت ذنيبه قال محيزم قلت جليده قال سْقَيّ.

× حقرص بقرص من جاه يقرص.

× تقول المربعانيَّة توصي عيالها الشِبْطْ:
مريت ولا ضريت بالكم واللي ماكولهم تمر وحطبهم سمر عليكم باللي ماكولهم دويف وحطبهم ليف.

× بربسنا في الما.

× قال وراه يصيح قال يبي صرقاعة.

× قالوا موحينك < سامعينك > وانت تقول شيلوه قال هالحين اقول حطوه.

×قالوا وش جايبك فيذا قال معروجٍ بي.

× يبابي ولا ينطَ.

× إلى ظهر سهيل فتلمَّس التمر فالليل.

× أحسب جودي ورث جدودي وأثر جودي من ماجودي.

× ياضبيب البر وين يمناك من يسراك.

× عضة ورر. < اخو الضب >

× اللحمه تنط من القدر.

× لاتاكل نيّ ولايوجعك بطنك.

× في بطن حجلة طلي.

× مْرَبَّطٍ الجِرا.

× لاتجي المجري عند عيالها.

× راحت سنين الحنيني والعفيس.

× من حبَّه الله كثَّر ضيفانه.

× من شافك ياللي في الظلما.

× من خلَّى عشاه أصبح يراه.

× خل كل وادي ومجراه.

× يجي لنا بعض الليلات نسري وحنا في مراقدنا رقود.

× لقيناه يطير وقطشناه.

× سيَّلنا الدم الأحمر بالحديد الأخضر.

× ترى بقرتكم ترضع روحها تبي سواجير.

× ياسفابه على الهمله.

× فراش راعي شقراء.

× عيَّار شقراء.

× أذهن من راعي شقراء.

× الربعة كوت اللي ماله كوت.

× ولَ ياها الداب العمياء كيف طاح على هالبيت.

×شايفٍ سهيل في الماء.

× لاتحككَّ بالجمال وانت حاشي.

بيني وبينكم > اغلبها ما فهمت منها ولا شيء > مشكلة هـ الجيل

لكنها حلوة

> لو بس اعرف كل مثل متى ينقال !!

..

..

احلاهم واغلاهم · 04-05-2008, 05:41 AM

أقول آهآ بسس..

قآل غبآر قآل..

× لاتقوم من مكانك وعندك شقراوي.

هذآ تعرفين لييشش..!؟

عششآن مآيصصدقون علىآ طول يجلسسون بأمآكن النآسس..!

× المهتوي يقطع المستوي.

وهذآ للي يسسوي شي صصعب ويقولون النآسس يووهـ صصعب ومدري آيش..

تردين عليهم المهتوي يقطع المسستوي يعني هو مشتهي هالششي..

بسس حنآ نقول المششتهي مآنقول المهتوي..!

× قال صبَّه قال إحقنه.

يعني نفس الششي..

بس حنآ برضوآ عندنآ تغيير..

صصبه أحقنه لبن<=-بدون قآل خخخخخـ

× أبعد عليك من حبَّة كوعك.

وهذآ برضوآ نقولهـ لششي المسستبعد ^_^

× حقرص بقرص من جاه يقرص.

هههههههههههههههههههههههههههههههههآآآآآآآآآآآآآآآآآ آي

هذي نقولهآ لاقمنآ من مكآن ولا نبي أحد يجلسس عليه..

× من خلَّى عشاه أصبح يراه.

حنآ نقول من خلىآ عششآهـ أصصبح يلقآهـ..

ومدري بالضبط متىآ نقولهـ بسس نقوله خخخخخخخخخخخخخـ

يآلله برب بروح أرقد

الحــ(المستحيل)ــــب · 05-05-2008, 12:23 AM

يا حبي لك يا كيفي
تراني اقرا
بعضها اقول وش يقصدون
وبعضها اقول يمكن يقصدون...
لا واذا عرفت منها شي
قمت اصفق
اقول ايه ايه عرفتها

الا بكم يوم الى سنه تجمعينها
يا حليلك والله من الفضاوه طلعتي بهوايه غير شكل >>جمع الامثال
هههههههههههههههههع

شوفوا بالله احلاهم

قال احجز مكان قال

دوم كذا انتي؟؟؟

كـــيفي! · 05-05-2008, 02:47 PM

..

..

اهلين سارا

زين عرفتي بعضها > شرهتك ِ عـ اللي ما عرف منها شي خخخخخ

بعدين تعالي

اقتباس:

الا بكم يوم الى سنه تجمعينها
يا حليلك والله من الفضاوه طلعتي بهوايه غير شكل >>جمع الامثال

من قال اني جمعتهم !! > الله يخلي عمنا قوقل عـ قولتكِ

لقيتها مجمعة خالصة لكن كانت ضمن مقال طووووويل عن الديرة انا اكتفيت بالامثال > ربما كان من المفروض ذكر هذا بالاول !!! سوري

بعدين يابنت لا تقولين " يا حليلك " > يقولون سبه فلا تعيدينها

اقتباس:

شوفوا بالله احلاهم

قال احجز مكان قال

اسكتي اناا ضحكت عليها اول ما قريت التعديل < على بالها ماراح تسمعها ميمي خخخخخخخخخ

جيتكِ بالرد كريزي

..

..

كـــيفي! · 05-05-2008, 02:58 PM

..

..

اقتباس:

أقول آهآ بسس..

ترا ما جبت طاري ديرتكِ الحبيبة كــح

اقتباس:

لاتقوم من مكانك وعندك شقراوي.

هذآ تعرفين لييشش..!؟

ليش..!

اقتباس:

عششآن مآيصصدقون علىآ طول يجلسسون بأمآكن النآسس..!!

اما عاااد .....!!

تدرين وش ظنيت قصدهم > يعني لا تفوت الجلسة مع الـ شقراوي > من حلاوتها يعني خربتي علي ميمي

اقتباس:

المهتوي يقطع المستوي.

وهذآ للي يسسوي شي صصعب ويقولون النآسس يووهـ صصعب ومدري آيش..

تردين عليهم المهتوي يقطع المسستوي يعني هو مشتهي هالششي..

بسس حنآ نقول المششتهي مآنقول المهتوي..!

والله بيني وبينكِ اول مرة اسمعها ذي > لا المهتوي ولا المشتهي

اقتباس:

× قال صبَّه قال إحقنه.

يعني نفس الششي..

خمنته واضح هـ المثل

اقتباس:

أبعد عليك من حبَّة كوعك.

وهذآ برضوآ نقولهـ لششي المسستبعد ^_^

مثل منطقي

اقتباس:

× حقرص بقرص من جاه يقرص.

هههههههههههههههههههههههههههههههههآآآآآآآآآآآآآآآآآ آي

هذي نقولهآ لاقمنآ من مكآن ولا نبي أحد يجلسس عليه..

حلوووة

اقتباس:

من خلَّى عشاه أصبح يراه.

حنآ نقول من خلىآ عششآهـ أصصبح يلقآهـ..

ومدري بالضبط متىآ نقولهـ بسس نقوله خخخخخخخخخخخخخـ

لا جد استفدنا منكِ ميمي ذهينه

اقتباس:

يآلله برب بروح أرقد

طلتكِ مثل شمس القايلة

نوم العوااافي

..

..

زهورة · 05-05-2008, 04:17 PM

كيــــفي

بعضها فهمتها وبعضها ماعرفت حتى اقراها

خخخخخخخخخخخخخخخخ

بس في كم مثل عجبني:

راحت تجيب ما واعرست.<<هع هع هع

من غاب عن عنزه جابت تيس.<<هذا روووعة

ههههههههههههههههههههه

قال صبَّه قال إحقنه.

احنا نقول ((صبها ردها))<<تقريبا زي احلاهم

خخخخخخخخخخخخخ

بس صراحة مجهوووووووود رائع وامثال فنانة

ههههههههههه

تسسسسسسسسلمين