_^ من طرائــف يوسف الثنيــان ^_

زهورة · 29-05-2008, 07:04 AM

السلام عليكم ورحمة الله وبركاته

بصراحه موضوع عجبني كثيييير ماكنت اتوقع يوسف الثنيان بهالروح المرحه

هههههههههههههههه

اترككم مع المواقف..

في احد معسكرات المنتخب ( حط يوسف لوحة على باب غرفته يقول فيها * ممنوع دخول العبـيد *.. جاه احمد جميل وقال له : ما يصير يا أبو يعقوب الكلام اللي أنت كاتبه وحنا كلنا عبيد لله .. حس أبو يعقوب إن أبو جميل زعل ... وطبعا يوسف حساااااس قام شال اللوحة وحط بدالها

ممنوع دخول العبـيد إلا احمد جميل

*********************

يوسف الثنيان له صديق قريب على قلبه أسمه إبراهيم القصيمي إداري نادي الرياض السابق –

إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن الجهاز الإداري لنادي الرياض .... وفي أحد مباريات الهلال والرياض مررت كرة ماكرة للثنيان فأحرز منها هدفا جميلا فأنطلق يجري بأتجاه إحتياطي الرياض وبالضبط في أتجاه القصيمي ولم يكذب إبراهيم خبرا إذ قفز فرحا وأحتضن الثنيان ومن يومها وإبراهيم القصيمي خارج نادي الرياض

*********************

موقف آخر للثنيان

كان في مباراة مهمة للمنتخب ولابد من الفوز ولا الخروج من البطولة وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم قم يا خالد حنا السعوديين ما صحنا علشان تصيح أنت وجهك

*********************

مره كانوا في المنتخب وكان حاتم خيمي معهم والرجال مشتري له ملابس جديده بدل وحركات ( اللي هو حاتم خيمي ) المهم قبل لا يلبسهم المسكين طلع من الغرفه و دخل الثنيان ولبسهم وطلع للاعبين شكله يموت من الضحك لانها كبيره عليه كثير.. يوم شافهم يضحكون الا حاتم خيمي مولع من القهر والغضب ضحك الثنيان وقال: هذي الملابس اشتريتها وطلعت وسيعة وكبيره لذلك قررت اعطيها حاتم خيمي

*********************

طلع الثنيان من المعسكر ويوم بغى يركب سيارته لقى سيارة الطرير مفتوحة والمفتاح داخلها..المهم اخونا في الله ما صدق خبر..خذ السياره وراح يقضي اشغاله الخاصه..يوم طلع الطرير ما لقا السياره فعرف ان الثنيان هو اللي خذها.. ويوم شاف الرجال طول ما جا راح الطرير وبنشر سيارة الثنيان المهم رجع النمر اخر الليل لقا السيارة مبنشره..اول ما دخل لقا الطرير وباقي اللعيبه يستنونه...و الشرار يتطاير من عيون الطرير وصاح في الثنيان : ليش خذت سيارتي؟؟ فجاوبه الثنيان بسرعة بديهة : والله لقيت سيارتي مبنشره قلت اروح في سيارتك

*******************

في احد معسكرات المنتخب في الملز .... كان الثنيان اذا أذن الفجر يقّوم اللاعبين لصلاة الفجر ويقولهم : قوموا صلوا ..... لا يغضب الله عليكم ويخلي أشكالكم مثل خالد مسعد

*********************

مره كان في مباراة للهلال والنصر على ايام خالد الفرحان ومصطفى ادريس والشلة .... المهم كان أبو يعقوب معه الكورة وخالد الفرحان مراقبه .... أبو يعقوب وقف ويناظر خالد الفرحان .. وقال لخالد الفرحان : صك فمك لا يدخل جراد ....

*********************

مرة ... كان منتخب السعوديه فايز ببطوله وقفهم المذيع هو وماجد . قال المذيع طبعا بعد ماانتهو من الكلام لمن تهدي هذا الانتصار قال ماجد اهديه لامي رجع المذيع ليوسف قال لمن تهديه يا يوسف قال يوسف : اهديه لام ماجد ..

*******************

في تصفيات مربع غرب اسيا والي اقيمت في لبنان.. كان تذكرون الملعب الي اقيمت علي التصفيات كان سيء جدا وكله حفر وحالته حاله وزراعته الله بالخير ... عاد بعد إحدى المباريات سأل احد المراسلين ابو يعقوب عن رايه بالملعب ؟
قال ابو يعقوب الصراحه انا اول مره اشوف ملعب مزروع نعناع !!!!!!

*********************

كانت مباراه للهلال والنصر
جا فاول للهلال واخذ ابن نصيب الكورة قاله الثنيان..هات الكوره انت وراسك الي كنه مرتبة سيكل

*********************

في لقاء مع مجلة اليمامه زمان قال له : متى يتوقع يوسف الثنيان ان يعتزل ماجد عبد الله
وكان ماجد ذاك الوقت يتلصق بالكورة غصب
قال ابو يعقووووب بسرعة بديهه:
إذا نسّمت الكورة

ووووبس والله فطست من الضحك عليه

اتمنى ان ينال الموضوع لو جزء من اعجابكم

للأمانهـ:منقول من الايمل..

نفسي عزيزه · 29-05-2008, 11:03 PM

اقتباس:

موقف آخر للثنيان

كان في مباراة مهمة للمنتخب ولابد من الفوز ولا الخروج من البطولة وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم قم يا خالد حنا السعوديين ما صحنا علشان تصيح أنت وجهك

اقتباس:

في لقاء مع مجلة اليمامه زمان قال له : متى يتوقع يوسف الثنيان ان يعتزل ماجد عبد الله
وكان ماجد ذاك الوقت يتلصق بالكورة غصب
قال ابو يعقووووب بسرعة بديهه:
إذا نسّمت الكورة

ههههههههههههههههههههههههههاااي

يا حبيل قلبه يوسف

يسلموو زهوره,,

دمتي برووح ريااضيه ,,

csJJoJI · 30-05-2008, 12:02 AM

يـعطيك العافية زهــوره

والله وحتى انا بغيت افطس من الضحك

والله الثنيان كان اكبر فله

ويكفينا انه كان هلالي

زهورة · 30-05-2008, 01:31 AM

عزيــزهـ ،،

يسلمو حبيبتي على مروركـ ،،

زهورة · 30-05-2008, 01:32 AM

الملكـ ،،

الله يعافيكـ ولاتحرمنا من طلتكـ دايم ،،

هاوي الإبداع · 30-05-2008, 04:29 AM

بحثت عن المُضحك في الموضوع فلم أجد سوى مايبرهن لي يوماً بعد يوم " دنائة " اخلاقيات هذا اللاعب ،
بعيداً عن ادائه داخل الملعب فأنا أول من يشهد له بالرقي الميداني !

زهورة · 30-05-2008, 04:51 AM

هاوي الابداع

شكرا لمرورك والغريب مو في المكتوب الغريب فيك

عالعموم كل(ن) وله رأيه وذوقه

اشكرك مرة ثانيه على مروركـ

ZeRoOo · 30-05-2008, 01:18 PM

اقتباس:

ممنوع دخول العبـيد إلا احمد جميل

قاله قم قم يا خالد حنا السعوديين ما صحنا علشان تصيح أنت وجهك

لا يغضب الله عليكم ويخلي أشكالكم مثل خالد مسعد

الغريب ان البعض يضحك ع اشياء زي كذا !

معروفه اخلاق هذا اللاعب , واللي زاد الطين بله المواقف هذي

اعتقد لعبه ومهاراته داخل الملعب هيا الشئ الوحيد المميز في تاريخه

ثانكس زهوره

نفسي عزيزه · 30-05-2008, 01:46 PM

والله شي يقهر اذا الوااحد ما عنده روح رياضيه

ويتكلم في لاعب له مكاانه بالساااحه الرياضيه ولاعب

مشهود له بإنجااازااته

لاعب خدم الكره السعوديه ونااديه الهلال

ومهما كاان وصاار المفرووض الشخص يحااسب في إختياار الكلمات المنااسبه

ويبقى يوسف النمر في ذااكرتناا ومثل للاعبين السعوديين

زهوره لكـ احترااامي

دمتي هلاليه بروح رياضيه

تقبلي مروري ,,

زهورة · 30-05-2008, 07:55 PM

زيرو

لا أرى في مافعله الثنيان اي شي سوى روحه المرحه

مشكور على مرورك

*_^ من طرائــف يوسف الثنيــان ^_*

_^ من طرائــف يوسف الثنيــان ^_