وأخييرا اتفكت عقدتي وهتجوز

جــنـــه · 02-07-2008, 03:54 AM

السلام عليكم ورحمة الله وبركاته

وأخييييييييرا اتفكت عقدتي وهتجوز أخيييييرا هيكون ليا بيتي اللي هيبقى مملكتى وزوجى هيكون سندى وراحتى !!

مش ممكن خلاص. مبقاش في مشاكل ولا خلافات هعيش حياة تانية وردية من غير تعب ولا خناق مع اخواتى ولا تحكم بابا ولا أوامر ماما !!

طيب وجالك منين يا اختى

احنا اتعرفنا عن طريق النت بالصدفة واخدنا وادينا مع بعض وارتحنا لبعض الحمد لله

انتى واثقة فيه؟

طبعا طبعا ده بيموت فيا وهيتقدملى بس شويه كده على لما يكون نفسه

طيب وهتعملى ايه هتسبيه طبعا على لما يكون نفسه

اسيبه !!! ازاى اسيبه ده انا ماصدقت لقيت عررررررريس فى زمن العرسان قلت فيه يعنى اللى تلاقى أي عريس دلوقتي عليها تمسك فيه بايديها وسنانها

طيب والحل اايه

عادى يابنتى وفيها ايه هنطمن على بعض بس عن طريق التليفون

يعنى مفيش مقابلات؟

لالا مقابلات ايه بس هو احنا بتوع الكلام ده

ولا مسجات ؟

لا ممكن رنات ومسدات وشويه مسجات مش مشكله ده يعنى من بعيد لبعيد يعنى

بس ده حرام

حرام ايه بس ايه التخلف العقلى ده ..ايه حرمه ماحنا هنتجوز يابنتى هو احنا بنلعب

بس النبى قال مااجتمع رجل و امرأه الا كان الشيطان ثالثهما

ااايييييه ده اجتمعوا فين يابنتى بقلك مش هقابله

طيب مانتي هتكلميه فالتليفون والتليفون ده اجتماع هههههههه أما انك غريبة صحيح

طيب والحل ايه

يبقى الحال كما هو عليه

هذا الحوار يتكرر الاف المرات اخوانى واخوات وهذه القصص واقعية كثيرا ما نسمع عنها هذه الأيام

عاوزة اسالك يا اختى ,, بالله عليكي انتي فى الاول لما عرفتيه قلبك كان بيرتجف صح !! وأول مكلمتيه في التليفون الكلام كان بيطلع بالعافية..صح؟

عارفه السبب !! لان الحياء كان لسه عندك, فطرتك يعنى اللي هتروح كمان شوية

ده كان اول اتصال والتانى كذلك بس شوية شويه الكسوف هيروح وطبعا لانه بيقلك انت بتتكسفى منى ياحبيبتى !!ليه يا حبيبتي كل ما نتكلم تردي عليا بتردد وكأننا بنعمل حاجة غلط !

وحضرتك طبعا لازم تثبتيله العكس !!!!!!

وانتي يا مسكينة تسألى نفسك انا مالى بس كل ما أسمع صوته معرفش أقول كلمتين على بعض وايدي تترعش كل ما أعرف انه اللي بيتصل , مانا على النت بكلمه كويس جدا والكلام بيجيب بعضه , أمال مالى بقى في التليفون

اقولك مالك ؟!! لان كلمات الكيبورد اسهل واعمق واجرأ بكتير من التليفون . وده طبعا فى الاول بس !!

بعد كده العمليه بدأت تمشى معاكي , ايوة كده اول ما يتصل هقله ازيك وحشتنى !!

وبالتالي تخلصتى حضرتك من الشحنة الثانية للحياء هنيئاً لكي !!

وبعد كده لما الكلام جاب بعضه بقى هتلاقيه بيقولك ايه .. ها ياحبيبتى انا مش هشوفك؟ مينفعش نفضل نحب في بعض كده من بعيد لبعيد , لازم أسمعك وتسمعيني وأشوفك وتشوفيني , عشان نفهم بعض ونخطط لحياتنا المستقبلية اللي هنبنيها مع بعض .

وطبعا هتردي تقولي ..لالا مينفعش اهلى ابويا امى اخواتى قرايبى حد يشوفنى !!

طيب لو قلتلك هنروح مكان محدش هيشفنا فيه !!

قوليله بالفم المليااااان ... والله العظيم كدااااااب

عارفه ليه؟ لان احنا فوق كل ارض وتحت كل سماء والله واسع عليم, يعلم خائنة الاعين وما تُخفى الصدور

شات + رساله + مكالمة + قلة حياء +موعد + مقابلة + نظرة + ابتسامة + لقاء + لمسة = بنت قليلة الحياء خااائنه لله ولرسوله ولأهلها ولنفسها وغير محبة لدينها

اختى ارجع واقلك تانى انت جوهرة مصونة فى لؤلؤة مكنونة حافظي على نفسك حتى يحافظ عليك الله

وصدقيني واحد زي ده عمره ماهيتجوزك. تعرفي ليه لانه خلاص على لما ييجى يخطبك هيكون ذهق منك خلاص وعاوز يغير, وده طبع الشباب الفافى الروش بتوع اليومين دووول .

انا عارفه ان نسبة العنوسة كترت والله ولكن السن الطبيعى للجواز دلوقتي بقى 30 سنه وساعات اكتر كمان فى ظل الظروف الصعبة دي الشباب لا عارف يتجوز ولا يجهز شقه فى طلبات الاهل اللى فى بعض الاوقات بتكون مرهقة.

أختي الغالية , اللؤلؤة المصونة ,اتق الله حيثما كنتي ومتقبليش على نفسك انك تكونى سلعة رخيصة مش هيشتروكي والله هيتفرجوا عليكي بس وهيهنوكي

ومن ترك شيئا لله عوضه الله خيرا منه

اصبرى يا أختي ووالله عريسك مكتوبلك وانتي فى بطن امك . ده رزق ورزقك هيجيلك هيجيلك ومفيش قوة في الدنيا هتقدر تحول بينك وبين رزقك .

واليكى هذه الدرر الثمينة ( وقُلْتُ استغفروا ربَكُمْ انه كان غفارا يُرسِل السماءَ عليكم مدررا ويُمددكم بأموال وبنينَ ويجعل لكم جنات ويجعل لكم انهارا ) سورة نوح

فعليكي بالاستغفار والدعاء وقيام الليل ودي من الطاعات اللى بتقربنا من ربنا وليست وصفة للى متجوزوش ,, لان البعض اخترعوا ادعيه للزواج وليست صحيحة للاسف.

رسالة الى اختى التى تقدم لها عريس ولم يحدث النصيب
يا أختى ياحبيبتى الخيرة فيما اختاره الله متزعليش نفسك ومتعرفيش ايه اللى هيحصل احنا بنشوف المشكلة من بره انما لو شفناها من جوة وحكمة الله هتلاقيها خير والله خير

مش يمكن بعد مايتقدملك يموت

مش يمكن يطلع انسان مش كويس وبيتصنع الصلاح وبعد كده تكتشفى العكس وتعيشى فى جحيم

مش ممكن يكون مش بيخلف وانتِ بتحبى الاطفال وتعرفى بعد كده

مش ممكن يكون اهله مش كويسين ويضايقوكي وتعيشى فى مشاكل وتندمى فى وقت لا ينفع الندم

ويكون من رحمة ربنا بيكي أنه لم يُقدر لكي هذا الزواج.

واخيرا أذكركم ونفسي

{ ومن يتق الله يجعل له مخرجا ويرزقه من حيث لا يحتسب }

دمتم بحفظ الله

نقـآء · 02-07-2008, 01:31 PM

.

الله يهدينا ويستر علينا

جنـه ,,

جزاك الله خير .. وجعلها في موازين حسناتك

نـ القلوب ـور · 02-07-2008, 02:55 PM

موضوع رائع جدا

الله يعطيك الف عافيه °ˆ~*¤®§(*§*)§®¤*~ˆ°جنه°ˆ~*¤®§(*§*)§®¤*~ˆ°

والله يهدينا ويهدي شباب وبنات المسلمين

يااااااااااااااااااااااارب

وياليت كل أم وأب يربون بناتهم التربيه الاسلاميه الصحيحه

والخوف من ربي

وكل أم وأب

يكون صديق لبنته وأبنه

وماكون بينهم اي حواجز او بعد عاطفه حتى البنت وشاب مايحتاج انه يدور العاطفه برا البيت

اما الزواج فهو رزق من ربي ........ وكل انسان بياخذ رزقه الي مكتوب له

.............. دمتي في حفظ الله............

تقبلي مروري

بس كان الموضوع شيق جد حسبت بتتزوجين كنت داخله وانا فرحانه

هههههههههههههه ......... سحبتيني ......... الله يسعدك ويرزقك با الزوج الصالح يارب

ويكون الموضوع فال حلو عليكي......

جــنـــه · 05-07-2008, 04:40 PM

دلع دلوعة

جزانا الله واياكم
أسعدني مرورك دلع

لا عدمت تواصلك الطيب

جــنـــه · 05-07-2008, 05:00 PM

أختنا الغالية ,, نور القلــوب

زمان عنك يا بنتي , والله ليكي وحشة بجد

هههههههههه ان شاء الله المرة الجاية يكون العنوان بجد وتدخلي عشان تباركي وتجيبي معاكي هدية حلوة

ربنا يرزقنا بالزوج الصالح والذرية الصالحة , انا وانتي وكل بنات المسلمين

أسعدني مرورك نور
دمتي بحفظ الله

انين الجروح · 07-07-2008, 03:40 AM

جنة

موضوع لا استطيع ان اقول روعهـ لانه اكثر من ذلك

وهذا ليس بغريب فتميز دائما منكـ, ,

الله يحفظنا ويحفظكـ, .. تقبلي مروري

دمتِ بود

نادرالطائف · 22-07-2008, 02:00 AM

جنة موضوع رائع وجزاك الله الف خيرررررررررر

ملاذ الروح · 24-07-2008, 09:30 PM

أجدت البوح اختي / جنة
عندما تصبح كلماتك

أوسع من تصويرها

فكيف ساانظر إليها

غمرتنا بجمال طرحك

يلامس ماهو منتشر هالايام

وهو مصدر مفيد للعظة والنصح

فما أروع ماسكبته هنا

من حروف وكلمات محلقة

تخرج من الحقيقه

وتستوطن النفس

رائع الموضوع

والاروع انفاس قلمك

وما زال للابداع بقية

تحيتي لروحك

ملاذ الروح

==ليلة القمر== · 29-07-2008, 11:02 PM

تعجز كلماتي عن وصف جمال هالموضوع
صدقوني يااخواتي اي وحده صابره وعافه نفسها عن الحرام
لابد تثق ثقه عمياء ان ربي بيعوضها
من ترك شيء لله عوضه الله

اشكرك جنه وان دل الموضوع على شيء يدل على تربيتك العاليه

تقبلي مروري