رحلتي إلى الأردن.. الجزء الأول

De$eRt Ro$e · 11-07-2008, 12:30 AM

مسا الخيرات والليرات

كيفكم يا نزفيين ويا نزفيات والله الكم وحشه يا جماعه..

بدون طول سيره.. الحمدلله اخيرا رجعت من الاردن وكنت شغالة تصوير من بداية رحلتنا لحد ما وصلت مطار الملكة عليا..

وحابه اعيشكم الاجواء اللي عشتها..

نبدأ أول اشي بالباص اللي اخدنا ع الاردن واحنا رايحين.. كنت كتير معجبة بباصنا حاسيتو سفينة تايتنك

امسمي الباص النسر الجارح.. بس هو بصراحه ما الو علاقة بالاسم كان على حظنا كل اشوي يخرب ومكيفو يتحول لتدفئة.. عشنا بحمام ساونا أغلب الطريق..

اللقطه الاخيرة على فكره اخدتها واحنا بعرعر..

وهاي بعض لقطات لباصنا بعد ما طلعوا محتوياتو وأحشاؤو على حدود السعودية البطحاء (مش متأكدة بس كأنو هيك اسمها)

شايفين الهندي اللي ع ظهر الباص هاد هندي كتير مهم ع فكره لأنو المفتش اعطاه مهمة تفتيش فتحات الباص اللي فوق وكان يفك بالمكيف والدنيا.. بصراحة المفتش ما قصر في باصنا حاول بشتى الطرق انو يكون مخلص بعمله الله يذكره بالخير ما خللى فتفوته تعتب عليه

هاد الاشي العملاق اكتشفت انو لشرب المي .. لفت انتباهي حجم الكولر عنجد كتير كبيره

بعد ما اتحركنا من الحدود السعوديه ودخلنا الاراضي السعودية بللش الباص يفاجئنا كل مفاجأة أحلى من أختها..

واحنا بسلوى (منطقة قبل الهفوف) خرب المكيف.. صورتهم وهمي بصلحوه

واحنا بهاي المحطه عجبتني شاحنة الDHL فصورتها

سواق الباص حزن علينا قبل ما نوصل الهفوف نقلنا على باص تاني سميتو الباص المنقذ وهاي صورتو

طبعا في هاد الباص كنت مزهزهه ع الاخر يعني احساس انك تركب بباص مكيف بعد الساونا غصب عني لازم انبسط

صورت حذائي - وانتو بكرامه - بس كنت جد مهسهسه

وهاي لقطات من الهفوف..

كانت كتير غبرا الطريق..

هاي السياره وقفت جنب الباص ع الاشارة

وهدول الجمال ع طريق النعيرية

وهاي صورة لشجره في استراحة بحفر الباطن

بعدين ع وقت صلاة المغرب وقفنا عند استراحه مافيها مي اخدت لقطات للمتوضأ

بكل اللغات كاتبين

لما وصلنا عرعر صار الجو كتيييير حلو

فرشت لأهلي مفرش ع العشب اللي جنب الشارع واتعشينا عشا بجنن واتصورنا بس ما رح افرجيكم صورنا

هاي لقطات لعرعر بالليل

بعدين خلص شحن موبايلي..

صورت بموبايل اخوي اخر سوبرماركت مرينا عليه في طريف اخر السعوديه قبل حدود الحديثة

وبعد ساعه تقريبا وصلنا حدود الاردن.. وهدول الصورتين من الحدود الاردنية العمري

وطبعا اهم اشي عفش الباص كنت حاسه الركاب راحلين للابد جايبين كل اشي من الامارات معهم

انتهى الجزء الاول من رحلتي للاردن خلص اتعبت لنا لقاء في الجزء التاني مع صوري من داخل الاراضي الاردنية

نقـآء · 11-07-2008, 12:50 AM

..

مساء الـورد

رهيبببب الباص ,, كانه شبح

ليش ما بتسافرو ا بالنقل الجماعي ( سابتكو , جت ) مريحه كتير هالشركه

بحياتي كلها ماشفت كولر متل هاد كتير كبيررررر

لو انا مكانك بوقع كمان للذكرى ( طبعا عملتها انا كتير )

عنجد جايبيين معهم كل الامارات ,, شووو هاد كل هاي اغراض

ندوش ,,

صور كتير حلوة

بدنا نشوووف الجزء التاني بأقرب وقت ممكن

عندي فضول اعرف شو صورتي بالاردن

يسلمووو اديكِ

..

نفسي عزيزه · 11-07-2008, 01:16 AM

رحله سعيده

لقطات روعه في محلهااا

يعطيك العافيه

ننتظر باقي الرحله الممتعه

دمتي سعيده

القلــم الملثــم · 11-07-2008, 01:47 AM

اخيـراً نـزل الموضـوعـ

بــ المسمــار ثبتنــاهـ

و لــِ رجعــه ؛؛

De$eRt Ro$e · 11-07-2008, 09:38 AM

اقتباس:

ليش ما بتسافرو ا بالنقل الجماعي ( سابتكو , جت ) مريحه كتير هالشركه

احنا ما بنحب الاشياء المريحة.. بنحب حياة المغامرة

اقتباس:

عندي فضول اعرف شو صورتي بالاردن

رح اتشوفيهم قريبا امصورة الزرقاء اكتر اشي.. وفيه صورة للسكن بعد ما اتحول لمكاتب..

يسلمو دلوعه ع مرورك

De$eRt Ro$e · 11-07-2008, 10:21 AM

اقتباس:

رحله سعيده

لقطات روعه في محلهااا

مرورك الأروع

شكرا الك..

دمتي بخير

De$eRt Ro$e · 11-07-2008, 10:26 AM

اقتباس:

بــ المسمــار ثبتنــاهـ

تشكرااات أفندم

اقتباس:

و لــِ رجعــه

بتنور المكان..

الامبـ$ـراطور · 11-07-2008, 02:11 PM

يالبى النعيريه واهلها

الصورتين هذي اعجبتني مررررررره

لان طريق النعيريه دايم ماسكه

والصور الثانيه روووعه

ورحله ممتعه شكلك ع الطريق تونستي مريتي مناطق المملكه

وردة الصحراء اشكرك على هالصور الروعه

وبانتظار جزئك الثاني

زهورة · 11-07-2008, 02:21 PM

يووووووه الله يعينك على هالرحله

يابنت احسها مو تعب وبس الا اممممممممم التعب

بس شكلك انبسطتي فيها

صور حلوة ماخليتي شي

هههههههههههههههههههههههه

منتظره الجزء الثاني