انقهرت وانزعجت...,وووواكثر

تحدوهـ البشر · 11-08-2008, 05:33 PM

السلام عليكم ورحمة الله وبركاته,,,

زي ماعودتكم دايما..اني اكتب بقلمي اللي يزعجني ويضايقني..اول باول..وانتظر منكم نقاش او ردود..او حتى صمت بس بقناعة..

الحاصل ياطويلين العمر..قبل كم يوم..كنت رايحه حفله معزومة فيها..المهم الحفله

لعروس جديده..وهالحريم ياساتر..انواع التقطيع..

انا غيرت مكاني من الفضول..حبيت اعرف وش وجهة النظر اللي مزعجة الكل..

لان التوتر باين على اهل الولد..جلست سمعت العمة تقول..ليه مالبست طقمها

الالماس؟ قلت بقلبي:الحمدلله والشكر..وششششششششش دخلكم!!!

قالت العمة الثانيه:والله الله لايحللهم معجزين في بنتهم على ايش 120 الف!!

اخاف انها بانوراما واحنا ماندري..

وانا اللي جتني صدمة عصبيه عالطاير 120 الف مهر؟؟؟؟؟؟؟؟ليه ذهب ولا الماس..

والمشكله البنت مو باين عليها شي من العز..يعني

المساله ان الاهل لعبوا بالفلوس..ومسكين التيس((ألعريس))

اللي دفع ولا استفاد شي.. يوم سالوها عن اهلها.

مسافرين لبنان((يحق لهم انا لو منهم اروح النمسا

وسويسرا ب120 الف؟؟؟؟؟؟؟؟؟))

وتحلف ام الولد ان البنت جايبه شنطه وحده بسسسسسسس..ولا ذهب ولا مكياج ولا معدات لبيت الزوجيه..

وان الموضوع صار اشبه بنصبه محترفين..

واول حفله تنعزم عليها العروس بعد شهر العسل..ام زوجها اشترت لها فستان ب3 الاف

عشان تحفظ موية وجههم لان الاخت..مو جايبه فساتين؟؟؟؟؟؟؟؟؟؟

اسمعوا ووعووووووووا ياشباب الدباشه مهيب زينه..اللي يدفع اكثر من 35-40

الف مهر

ماله داعي..اولا واخيرا هو رمز تقدير زوجي مو مزاد اللي يدفع اكثر يشيل..

ثانيا بيتشفط منك دراهم عالفاضي فوق خسايرك وديونك..

وبالاخير محد بيعجبه شي وبتدفع وتشتري

لاتفكر انك خلصت عند المهر.......

..وتلاقي اهل زوجتك يمكن يسافرون بفلوسك((والله لانجلط))

وكلها يافلان 5-6 سنين اقساط.. ويافرحة ماتمت..

ملاحظة:لا احد يقول لي البنت مظلومه..لانها داخله مساهمه بالفلوس بحسب كلامها..وماعتقد بتعطيه شي لو كسبت ولا خسرت.والسوق طايح هاليومين خبركم

ملاحظة ثانيه((ياكثر ملاحظاتي تحملوني)):
استثني بعض الناس مني قايله منهم..لاني اعرف ان البعض منهم ياخذون من مهر البنت اذا مو كله يشترون سيارات ..ابو صديقتي طق جيب بمهرها..هذول الفئه همجيين مع احترامي لجميع فئات المجتمع حضر وبدو