عوائل يمين..شباب يسار..ولااااايكثررررر

تحدوهـ البشر · 11-08-2008, 05:34 PM

السلام عليكم ورحمة الله وبركاته..

خلال زيارتي لاحد منتزهات الثمامه(وفيه عروض للدلافين) ومدينه (العاب ملاهي)

استوقفتني مشاهد عديدة(( قهررررتني)) وكان لازم انقل لكم تقرير عنها/

المشهد الاول:

عند البوابه كان رجل الامن (السكيورتي) يمنع دخول الشباب بدون
عائلات..مع ان فيه عائله عباره عن امراه وحده ومعها 3 اشباب..مساكين اخوانها ولا
اخوان زوجها جايبينها واسطه يدخلون فيها==وياقلبي لاتحزن..
مع اني بعد دخول المنتزه تعجبت..يعني اي عائله بتجلس وشبابها بيتجولون بالمنتزه
اجل وشوله مانعين الشباب المساكين من الدخول؟؟((ابي افهم وش الفرق ولا حماقه
وقوانين فارغه؟؟))

المشهد الثاني:

تقولون فكونا من الشباب..طيب مساكين وين يروحون..قاموا وتركوا لكم الجلسات والشاليهات..قالوا بنتفرج على عروض الدلافين.ولو انها شي غبي بس نضيع وقت وين
ننقلع بهالمنتزه..
دفعنا ال25..ودخلنا العرض..اول ماندخل ((رازين لك سيكورتي)) عوائل يمين..شباب يسار..التفت لقيت المدرج حق الشباب فيه 5 فقط..ومدرج العوائل بينفجر..حتى البعض مقعد بناته الصغار على حجره(بحضنه)شي غريب يااخي..خلوهم براحتهم طيب..يعني عرض دلافين وكراسي مفصوله وش بيسوون هالشباب بياكلوناااااااااااا مثلا؟؟؟

المشهد الثالث:

رحت اتمشى مريت من عند صاله مغلقه بحواجز خشب..سالت عنها..قالوا مدينه العاب..لمن وقفت عندالباب..لقيت مواطن(قطري)مع زوجته يتحاجج مع السكيورتي
يقول انا رحت الدمام رحت جده ادخل مع زوجي..اشمعنى بالرياض؟كله حريم وبسس
شباب الرياض فيهم وباء ولا شنو؟
انا اللي ضحكت بس ضحكت على نفسي والله((اجل مدينه ملاهي ممنوع الرجال وفيه داخل منتزه؟؟؟وش هالحكمه الغريبه؟؟!!!!!))..قاعده امشي مع خالتي وبنتي وزوجي وزوجها قاعدين..لادلافين بيقعدون جنبنا..ولا ملاهي بيدخلون معنا..
اجل وين صيف الرياض..والسياحه..وووولايكثررررر بس..

مرافق · 11-08-2008, 06:07 PM

تحدوهـ البشر

موضوع غاضب ..

و لم يضع قانون إلا لوجود متخلف ..

صحيح أنهُ ليس منظرً حضاري

و ليس تظامناَ مع التطور ..

لكن أخطأ و عُقبنا جميعاً ..

و أتمنى أن تزول تلك الظاهرة المسماة ( لا للشباب المتوحش .. و أهلاً بالعائلة الكريمة )

زهورة · 12-08-2008, 03:23 PM

تحدوه البشــــر

كما هو معروف ان الشر يعم الخير

فغلطة احد شباب الرياض تعمم نظام مثــل هذا الذي ليس بنظام

((في نظري طبعا))

وقد يكون وضع لمنع مشـــاكل قد تقع من فئه نادرة

ولكـــن نتمنى ان يتخفف هالنظام على مدينة الرياض

لتستمتع العائله ويستمتع الشاب ايضا

شكرا لطرحك مثل هذا الموضوع

яṑṓ7έĻḿşħά∂я · 13-08-2008, 12:24 PM

اعتقد حكاية انهم يمنعون دخول الشباب
سعياً منهم لاكتساب مسمى "منتزه محافظ"
يعني نعرف انه كثير يأخذون طفله << لاحظ طفله يعني مو حرمه كبيره مثل ماتفضلت
عشان يدخلون المنتزه والمركز .. ويدخلون ويغازلون ويفلّون ويطلعون : )

وبصراحه لو خرجت مع اهلك وشفت هذولي الشباب الماصخين
بتقول والله ما ينلامون .. لو يرحلونهم برى السعودية ..

الامبـ$ـراطور · 25-08-2008, 12:57 PM

انا مع منع قرار عدم دخول الشباب بدون عوائل للمتنزهات

واذا دخلوا الله لايبلانا يسون مشاكل مالها اول ولا تاالي

ويتحرشون في البنات ويغازلون ويعاكسون

ومثل ما قالت زهوره

الشر يعم والخير يخص

نور الشمس · 26-09-2008, 09:51 AM

والله رأيي من رأي الامبراطور
لان الشباب اذا دخلوا لهذه المنتزهات بدت المضايقات للعوائل
لكن المفروض يكون يوم للشباب ويوم للعوائل
وساعتها بيكون يوم الشباب فاضي

شاعر طيبهـ · 26-09-2008, 05:22 PM

أنا مع فكرة يوم ويوم
كذا الكل أخذ حقه

تقبلو مروري

شاعر طيبه

بــقــايــا حــبـ · 03-10-2008, 07:35 AM

السلام عليكم ورحمة الله وبركاته

بسم الله الرحمن الرحيم

اهنيك اختي على الموضوع الرائع

كل كلامك صحيح وما فيه غلط
المشكله انهم مصرين على (عيد الرياض عيدين)

اي عيدين واي رياض

احنى الشباب والله مساكين الهيئه مع احترامي منعو كل شي عن الشباب
فصار شباب الرياض على الأنترنت تقريبا 24ساعه على 24 ساعه
ليش؟
لأن كل شي عوائل او حريم
والمشكله انو الشباب من قله نضره الا الحريم او بمعنى اصح قله حنه امو او اخواتو عليه
صار في اضرار صار الشباب اسعودي (مو كلهم) شوااااااذ وهذي مصيبه كبيره مره
وذا الشباب يبون يطلعون اول مكان يفكرون فيه ميراج او مقهى شباب (طبعا كل الي فيها شيشه ودخان وشواذ...إلخ) وسوق معروف ما تجيه الهيئه والسوق الوحيد والمعروف الي يدخلون شباب (كل الرياض تعرفه)
طبعا ما اقول إله الله يفكنا من كل شر
و
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أختي الكريمه على الموضوع

بــقــايــا حــبـ · 03-10-2008, 07:41 AM

اقتباس:

المشاركة الأصلية كتبت بواسطة زهورة

تحدوه البشــــر

كما هو معروف ان الشر يعم الخير

فغلطة احد شباب الرياض تعمم نظام مثــل هذا الذي ليس بنظام

((في نظري طبعا))

وقد يكون وضع لمنع مشـــاكل قد تقع من فئه نادرة

ولكـــن نتمنى ان يتخفف هالنظام على مدينة الرياض

لتستمتع العائله ويستمتع الشاب ايضا

شكرا لطرحك مثل هذا الموضوع

بصراحه كل كلمه قلتيها صح

وانا معاك

شكرا