رميتك في بداياتي ورموني في نهاياتي !

عـقـلـت شويـﮯ

.



.


يا يُمــه كل ما فيني يناديـلك انــا ندمان
طلبتك قولي : سامحتك وردي لوجهي بسماتي

***

انـا اعرفك قلبك الطيب كسرته بصدمه النكران
غِلطت وغلطتي هذي تساوي كل غلطاتي

***

تشوفي الشيب يا يُمه ترى ما جا وانا فرحان
ورب اللي رفــع ذاتــك ونزّل للردى ذاتي

***

فقدت الراحه من بعدك , فقدت الطيبه والتحنان
بدونك راحــتي غايــه وبدينـك هذي راحــاتي

***

انــا بعدك ولا حاجه انــا بعدك ترى عميان
اشوف .. ولا اشوف اللي يوريني مسراتي

***

انا وسيد الشقـاا والهم بَعدك غدينا اخوان
يجيب هموم هالعالم ويرميها بمتاهاتي

***

صدقتي يوم قلتيلي : تدين اليوم بس باكر تندان
رميتك في بداياتي ورموني في نهاياتي

***

انا اللي شالك بيده ورماكي بأسفل البركان
نخيتيني وطلبتيني ولا حصلتي نخواتي

***

مثل ما هنتي بعيوني عليهم قلبي يُمه هان
رموني وضحكهم فزعه وانا الدموع فزعاتي

***

يا يُمه لا تظنيني اني من فعـلهم زعلان
سواةٍ فيك سوّيت وسووا فيني سواتي

***

يا يُمه يلا ضميني ودفيني بالأحضان
انا اعرفك انك مشتاقه وهمك بس ملاقاتي

***

يا يُمه ضميني ابي ارتاح .. انا تعبان
تعِبت اهرب من ذنوبي ابيكي آخر مسافاتي

***

ابي اسمع منك اي كلمه .. لصوتك مسمعي ولهان
ابي اسمع يُـمه بصوتك .. ابي اذكر فيه نشواتي

***

اشوفك ساكــته يُمه , غفيتي ولا انا غلطان !
غفيتي يا بَعد عمري , تعبتي من مواساتي

***

يا يُمه , يا يُمه , يا يُمه

***

طلبتك قومي اذا لــي بعيونك شان
اشوف الموت بعيونك يدفِن مسراتي

***

تعالوا يا بِشر شوفوا انا محتار .. انا تلفان
انا امي مدري وِش فيها .. انا مدري انا احاتي

***

شنو , شنو , شنو

***

امي انا ماتت , لا , لا , مسمعي غلطان
انا امي ما تخليني على حزني ووناتي

***

انا امي قلبها طيب انا امي لا يمكن تبكي إنسان
انا امي ما تبكــيني ولا تــتمنى آهاتي

***

يا يُمه صح ما متي وصح الموت تو ما حان
يا يُمه لو متي انا بعدك بأقضي وين ساعاتي

***

يا يُمه قومي .. يا يُمه وقولي الموت لا ما كان
انا جيتك وانا ناوي ابدّل فيك جنّاتي

***

تركتيني ومُتي ليه , ليه تركتيني وانا غرقان
ولا قلتي : مسموح يا وِلِدي , ولا قولتي : تلعنك لعناتي

***

انـا الجاني انـا المخــطي وانـا الندمــان
وانا بإيدي رميتك , آهٍ , وانا بإيدي بعثرت ملفاتي

***

وجيت من الهنا مُفلس وقلبي من الزمن خسران
تركتيني علـى نــاري اعــدد بعــدك زلاتي

***

ولاني مرضي ٍ ربي ولاني تابع الشيطان
انا بَعدك ترى ما بين نهاياتي وبداياتي

***

يا يُمه منتهي جيتيك وكلي مرتجي غفران
وشفت الناس تلعني وتحذرني من الآتي



للشاعر / نــاصر الظفـيري

رحيق الأنوثهـ

احلام
ابيات رووووووووووووووووووووووعه
يعطيك العافيه
دمت بخير

عـقـلـت شويـﮯ

.



.



الـروعه بـ حضورك .. سهووم


منــوره

яṑṓ7έĻḿşħά∂я

عـقـلـت شويـﮯ

.



.



وانـت صاادق ما نحـس بقيمه الشي الا يوم نفقـدوه .. و [ننـدم] ونحتـاجوه


و وقتهـاا نتمنـى انوه يـرجع لو يوم واحـد .. لو سااعه وحـده


ونقـسم ما نخـسروه مـره ثاانيه .. ونتـمسك فيه بكـل قوتنـاا


و و و و ..../ بس وش تفـيد الامااني وقتــهاا ؟!

نور الشمس

كلمات في غايه الرقه
نعمه الام لاتقدر بثمن
احلام
لك مني اطيب تحيه

عـقـلـت شويـﮯ

.



.



اي والله نعــمه ما تقـدر بـثمن


يســلموو نور

وين رايح

قصيدة جد مؤثرة وفيها قيم جميلهـ

صح لسان الظفيري

وسلمتيـ اختيـ / احلام

..