ههههههههههههههههههه

موضوع حلو مره

<<<< كثير جرايمه

لي عوده بس اتذكر جريمة سنعة تنقال

<<< اللي براسه الحين شد شعر و نحشات من المدرسه

يسلمو قطعة سكر

أهــلاً بـالـفـضــايـح

اذكر يوم كنت برابع ابتدائي .. كنا وقتها عايشين بالخبر

كان وقتها مع اخوي الكبير هايلوكس {وانيت}

المهم كنت انا وعيال جيراننا نحب نجلس بحوض السياره حقت اخوي

طبعاً وقتها كان ايام برد وشتاء و مسكت معي في احد الايام الا انا نشب نار عشان ندفي من البرد

و الله و نجمع شوية حطب و فحم و كراتين و نحطها بحوض السيارة و نشب النار

<<< تفكير رابع ابتدائي

طبعاً و السيارات تمر من حارتنا يطالعون فينا و حنا ولا هامنا

الين قزت الوالده من الدريشه السيارة شابه نار و تقوم تنادي ابوي عاد الوالد طلع علينا

و ياليته ما طلع اول شي راح و جاب اللي حق الموية وطفي النار ثمن جا علي ويقومون عيال جيراننا و ينحاشون

عاد انا مسوي نفسي بريء و ياهو جاني تسطير و ترجيف ذاك اليوم ما انساه الا الحين المشكله الوالده تعزز له و تشيشه يطق زياده

بس يوم اتذكرها الحين اقول و الله كان معه حق