هموم وغرابيل

عبدالله العصيمي · 18-01-2006, 11:06 AM

اخواني واخواتي

مساجله متواضعه بيني وبين الحب وكنت انا البادئ

ولم اكن اقصد مجاراته لكن المعنى اجبره على ان يجاريني

عندي خبر ومثبته بالادله = ما من ورى طرد المحبه محاصيل
همٍ على همٍ وغم ومذله = كله على بعضه هموم وغرابيل

لا يالعصيمي لايجي منك زله = انتم بليتوني بكثر التهاويل
هات الادله واكثر الهرج خله = وحنا نحللها عن القال والقيل

لاتنكر انك مبتل الشعب كله = كلن يغني بالهوى ليل ياليل
منهم كتم بالسر وجدٍ حصل له = ومنهم يصوغ الحب شعر ومواويل

ماكل من غنا بطرق و ( شله ) = لو كان شاعر بالهوا يشرب النيل
لو خصصوا له صفحة بالمجله = يقال له عاشق جرا له بهاذيل

اقرى وتلقى وسط ذيك السجله = موت الدجيما عقب ماصابه الويل
وابن الملوح صايرٍ فيه خله = وعنتر على عبله دموعه هماليل

الحب قرب قلب خلٍ لخله = ماهوب من قسى قلوب الرياجيل
ادري عن الهجران والبعد عله = والفرق واضح لاتزيد الاقاويل

لولاك ماذقنا فراق الاخله = ولولا غلاهم ماسهرنا مع سهيل
وهذي دموعي للغلا مستهله = بانت وكثرتوا علينا العواذيل

كل من يسب الحب بالله ... قله = اترك طريق الحب مادام بك حيل
لاتحرق اعصابك ترى الحب ( مله ) = تحرق قدم من داسها دون تحليل

لو كنت رجالٍ وواضح محله = والا اشوفك شوف بين الازاويل
والله لا اغتالك واجري على الله = واقتص حقي منك وادبل لك الكيل

ما انته بمستغني عن الحب لله = لاني شربتك شرب صاف الفناجيل
ادري غرامك ثابت بالاداله = ويذوب قلبك فالعيون المضاليل

اخوكم /عبدالله العصيمي

المسافر · 18-01-2006, 02:33 PM

ماااااشااااء الله عليييك ياخووي يبو عابد

بصراااحه , المساجله الي دارت بينك وبين ( الحب ) كان شي رووعه بكل ماتعنيه هالكلمه ,,,

والي زاد من جمال الموضوع هو الحيره والاسرار الغريبه الي بمضمون كلامكم ,,, هو اني لما اقرا ابياتك أتفق معاك واقول كلامك يا عبدالله صحيح وجاااي بمكانه

واوووصل لأبيات الشاعر الي يتحاور معك (( الحب )) ,,, وبنفس اقتناعي بكلامك يكون الحال معاه , و اقول انه هو بعد صح وكلامه سليم وجاي بمكانه مثل ما قلت عنك قبل ,,,

ومن هنا ,,,,, انا الى الان أحاول أطلع بتحليل منطقي للي صار بينكم ,, ومالقيت لحيرتي تفسير !!!

اخونا ( عبدالله ) و ... ( الحب ) ,,, لما اقرا كلامهم اوافقهم , بكل الكلام الي قاله كل واحد منهم ,, يعني بكذا أكيد انهم متفقين دام انهم على صواب ثنيناتهم ,,, و الي يقرا ردودهم يتفق معاهم ومع ذاالك بينهم خلاف ومو أي خلاف ,,,

طييييييييب وين هي المشكله الي سوت كل هذا ؟؟؟

<<<< والله منجد انا متخربط , ههههههه كلهم كلامهم معقول

طيب لييش ما يكون سبب خلافكم هو ... الناس ,؟ أو الظروف ,؟ أو الاقدار ,؟ أو .. أو .. !!
ممكن يكون فيه اسباب كثير هي نقطة تمثل مفترق الطرق بين عبدالله وبين الحب !!
ليش مايكون السبب بهالخلاف هو .. الزمن مثلا ؟ أو الحسد ؟ أو غيرة الناس من تقاربكم وثقتكم في بعضكم ؟

أعذرني اخوي الغالي ( عبدالله ) لأني الى الان ماقدرت اوفق واجمع بين شغلتين , الي هي :
صحة كلامك انت والحب ,, وبين مسألة انه يكون فيه خلاف حاد وكبير لهالدرجه الي قريتها بحواركم !!

على ما افكر بسبب منطقي , أو أغير رأيي واسحب موافقتي على كلام واحد منكم ( لكن ما أظن هذي بتصير)
من الحين لذيك الوقت , بترك بقية الاعضاء الي يمرون بالموضوع ياخذون دورهم بالرد على موضوعك , ويمكن الاقي ردود اقدر استفيد منها ( سواءا منك أو من الاعضاء ) واوصل لشي يحل التساؤلات والحيره الي بخاطري عن :

(( خلاف صار بين اثنين ,, رغم انهم كلهم على صواب ))

اااسف اخوي الغالي عبدالله ,, طولت عليك بالكلام ,,,

لكن لي رجعه للموضوووع ,, واستاذنك من الان , علشان لا تستغرب وجودي بموضوعك برد ثاني ,,,

أصدق الامنيات للجميع

غصون البان · 18-01-2006, 09:11 PM

لولاك ماذقنـا فـراق الاخلـه..........
.....ولولا غلاهم ماسهرنا مع سهيل

وهذي دموعي للغـلا مستهلـه.......
......بانت وكثرتوا علينـا العواذيـل

/
/

(سيد الحرف وعابر الاحاسيس)
الله درك محاوره راقيه
انت حقاً مدرسة تعلمنا كيف ينظم القصيد
مساحة مخمليه حالــــمه
كاتب مــــــــــن الطراز الفاخر
تعلمنا كل مــــــــره ان القصيد
,,حس وقلب وجمال وحكاية حب لا تنتهي ,,

.

(( عبد الله العصيمي ))

.

تغيب وتعود لتروي ظمائنا برذاذ بوحك
تغيب وتعود لتعلمنا كيف يكون البوح
تغيب وتعود لتروي لنا ما يجول في خاطرك من بوح
ابدعت حاولنا ان نقف في صفك
فوجدنا الحب اتقن ورجعنا لنقف في صف الحب
فوجدنا انه لايستطيع تعديك

.

صح السانكــ وسلم حسكــ
ودام بنانك يخط كل جميلـــ
اقدم لك اعجابــــــي بحرفكـ

.

!! TeRkEeEe !! · 19-01-2006, 10:00 AM

عبدالله .. وحسن ..

مااجمل الشعر حينما يتوشحكما ..

لله در الشعر بكما ..

تحيه بيضاء تشبهكما

~~عيسى بن مطر الهجلة~~ · 19-01-2006, 01:04 PM

العصيمي

عبدالله

أكثر من رآئع

صح لسآنكـ مليوون ولآيكفون

تحيّتي

بندر الفيصل · 21-01-2006, 12:52 AM

الله عليك شاعر ولله درك سجل مروري وانا اخوك و الاعجاب بشخصك وبما خطيت لنا .

!! المستحيل !! · 26-01-2006, 03:29 AM

الحب قرب قلـب خـلٍ لخلـهماهوب من قسى قلوب الرياجيل
ادري عن الهجران والبعد علـهوالفرق واضح لاتزيد الاقاويـل
:
:
عندما ينطق الوجد .. ليبحر القلم ..
عندما تغوص الأحاسيس للبحث عن الحقيقه
لـ تتوه حيث اللاعوده ..
:
:
..:: عبد الله العصيمي ::..
قرأناك مرتيين .. و أعجبنا بكلمات مرات
صح لسانك
و سلمـ نبضكـ
:
:
المستحيل

همسات ليل · 05-02-2006, 01:12 PM

عبدالله

لو كنت رجالٍ وواضـح محلـه
............والا اشوفك شوف بين الازاويـل
والله لا اغتالك واجري على الله
...........واقتص حقي منك وادبل لك الكيل

الحب

ما انته بمستغني عن الحـب لله
...........لاني شربتك شرب صاف الفناجيل
ادري غرامـك ثابـت بالادالـه
...........ويذوب قـلبك فالعيون المضاليـل

عبدالله العصيمي ،،، مسائك ورد،،،،

وهنا تعادلت الكفه ،،،لاغالب ولا مغلوب ،،، ولان (دفاعه وحجته قويه ومقنعه !! )(بصراحه مارضيناها على الحب ياعبدالله)

اخويه عبدالله،،،،

فما هى فائده حياتنا بدونه؟

كيف لنا ان نعيش بدون نبضة القلب؟

كيف لنا ان نعيش بدون ابتسامة الامل؟

وكيف لنا ان نعيش بدون ان نعرف معنى الحياة ذاتها ؟

كيف لنا ان نحيا بدون الحب ؟؟؟

بدون اللمسه الحانيه والتي تنير حياتنا وتجعل لها طعم اخر ؟؟!!

قد نعاني ،،، قد ننجرح ،،، قد تتكالب علينا الهموم ،،،

ولكن نبقى نتوق للصدق للحظة القرب ،،،

نسمو بارواحنا لومضة (حـــب)

دمت بخير

ولك مني اجمل التمنيات

همسات ليل