<><> انا والليل والكلمه <><> .

مجازف · 23-04-2006, 10:21 AM

نعم ..
اسهر الليل .. ليس لي نديم سوى الكلمه ..
اجد الليل سميرٌ لي ..
اتسامر معه .. نتحدث عن الكلمه ..
حتى الصباح يودعني الليل على أمل اللقاء ..
موعدنا قد حددناه بعد غياب الشمس ..
بعدما تعود الأطيار الى اوكارها ..
هجعة الليل .. تسليني ..(!!)
كما يثيرني هذا الصمت ..(!!)
اتمنى ان يتواصل ليلٌ بليل ..(!)
ليطول الحديث عن الكلمه ..
الى قلوبكم هذه ..

سهرت الليل ( معها) .. لين صبحٍ فيه غنـى الطيـر = ياليت الليـل خاوانـا علـى المسـرى ولا راحـي
عليه الله .. سمـاره لـو تواصـل يذكـي التفكيـر = وعلي الله .. لو انه سرمـدي ضليـت لـه صاحـي
مضى وامضيت معه الوقت .. لكن خانه التعبير = يشده من معاناتي كثر صبري على اتراحي
وانا وش شدني بـه غيـر جـوٍ يرفـض التعكيـر = رعـاه الله مـن ليـلٍ جميـلٍ يلمـس اجـراحـي
الا ياليـل .. خلـك .. خلنـا .. ياشينـه التغييـر = يكفينـا سكـونٍ فيـك .. بـه ترتـاح وارتـاحـي
الا ياليـل .. قصتنـا طويلـه تـربـك التفسـيـر = على الطرقـه تعاهدنـا .. بدايـة منتهـى افراحـي
هي اكبر من خيال الكون .. واصغر من صباح الخير = هي اوهن من خيوط الشمس واقوى فاتـك سلاحـي
لها سطوه على العالم .. لهـا سحـر ولهـا تأثيـر = كثيـر النـاس تلثغهـا .. قليـل النـاس سبـاحـي
يميـن الله علـى نفسـي يميـنٍ مـالـه التكفـيـر = لـ اشب السهر ف عيوني .. واشب الشعر مصباحـي
واكسّر داخلي بـرواز (صـوره) يطلـب التكسيـر = تحملتـه سنيـن العمـر يسقـط بـس ماطـاحـي
الا ياليل .. صبرك .. كل عصرٍ مقتفيـه اعصيـر = مطيح الشمـس موعدنـا غيـاب النـور ياوشاحـي

*
*
*

تحياتي لكل من اكتحل بسواد حرفي ..
اخوكم : مجااازفــ ..

غصون البان · 23-04-2006, 11:17 AM

..
..

الا ياليـل .. قصتنـا طويلـه تـربـك التفسـيـر
....//على الطرقه تعاهدنـا .. بدايـة منتهـى افراحـي

مفرادتك جزلا .. ووصفك بليغ ..
وما قرأته ابداع يروق لي
كما عهدتك يامجازف..

..//

كنت وما زلت رمزاً للكلمة الجميلة
المعبرة الراقية معنى وأسلوباً

صح السانك..

لك منى تحيه

..
//

غصون البان

وين رايح · 23-04-2006, 01:50 PM

صـــــــــــــــــــح لسانك
اخوي مجازف
قصيدة جدا راقيه
لك احترامي
و
تحيـــــــــــــــــــاتي

المسافر · 24-04-2006, 07:10 AM

تسلم ايدك اخوي مجازف

وصح لسااااانك

قصيده رووعه ماشاء الله عليك

دمت لصفحاتنا بكل الحب

تقبل مروري المتواضع بصفحتك الرائعه

سعود المساعد · 26-04-2006, 02:32 PM

"..: مجــازف :.."

صح الله لسانكـ ولا هنت .. فعـلاً وصف فاق الخيال

لا خلا ولاعدمـ

تحياتي لـ قلبكـ

"..: سعـود المســاعـد :.."

بندر الشوق · 27-04-2006, 03:30 AM

الله عليكـ

يارائــع

وصح لســانكـ ملياااااااااار

كلمــات متميــزهـ

جززززززززززززززل يالذيــب

لكـ اجمل تحيه وتقدير

اخوكـ

,

,

!! TeRkEeEe !! · 27-05-2006, 08:49 AM

هي اكبر من خيال الكون .. واصغر من صباح الخير
هي اوهن من خيوط الشمس واقوى فاتك سلاحـي

كل شي .. يعزف بعضه ..
هنا الليل .. سماء بلون النهار ..

.. مجازف ..

ما أجملك

عبدالله الأزوري · 27-05-2006, 09:11 AM

مجازف

هي اكبر من خيال الكون .. واصغر من صباح الخير
/////////هي اوهن من خيوط الشمس واقوى فاتك سلاحـي

لها سطوه على العالم .. لهـا سحـر ولهـا تأثيـر
/////////// كثيـر النـاس تلثغهـا .. قليـل النـاس سباحـي

صبحك الله بالخير أخوي..

جزل من راس جزل..

بيض الله وجهك..

صح لساانك وسلم حسّك..

دمت ودام عزّك..

همسة لك أخوي..في عالم النت الشعري من الأفضل أن تكتب باسم واحد...
لك اسمين ليس عندي أي شك في أنها لك..ولكن ربما تضيّع من حقوقك..
اعذرني على كتابتي لهذه النصيحه هنا..فاليوم أحس إني زووول بزيادة ولافيني أروح للرسايل الخاصه..

ولك تقديري واحترمي..

أخوك

عبدالله الأزوري

بندر الفيصل · 04-06-2006, 03:35 AM


	صح السانك طال عمرك وتقبل مرور واخوك واعجابه