المشعلي وشيخ قحطان (ابن قرمله)

يالله ياللـي تبعـث الحـى لا مـات=ياكاتـب رزق الفتـى باليسـيـري
ياكاتـب بايـات عمـا عـلامـات=ومقيـد ديـن النبـى بتهجـيـري
افـرج لمشحـون جـداه التنهـات=يبرد من الصدر الحشـا بالزفيـري
من حر مأبه ياخـذ الليـل ساعـات=يسهر ودمع العين يحفي النظيـري
يبكي بنى عـم مصاطيـر ورمـات=ماتوا وراء الطور الخضر والعسيري
راحوا لهم بالحرب ملكـن ورايـات=لا شـك دورات الليالـي تـديـري
ركبوا على اللي تقطع الخد عجـلات=شهب الغوارب من بنـات البعيـري
جتنـا رحايلهـم عـرون معـرات=ردايـد عقـب الشحـم والهديـري
جتنا رحايلهـم مصاخيـن واشتـات=افوات ماجا فـي نحرهـم بشيـري
خلوا وراهم من هل المـدح غـلات=لامن غدا البـارود مثـل الغثيـري
والموت حق ولاعن الموت صـدات=لو طال حبل الروح فلهـا مصيـري
هاذي ركابـه كـل يـوم مشيحـات=والاقدار ما للحـي منهـا مطيـري
((لاسلم ابن هادي فلا كن احد مات))=((ماغير ابن هادي في نجد اميري))
خليل في راسه من الـزود ميـلات=ورثن لبوه الـزود مالـه خشيـري
خليل لا ماجـو هـل الخيـل كـدات=ثم سل سيفه ماج عنـه الجفيـري
لا سل سيفـه راحـت الخيـل عقبـات=يرمي العشا للطير رفـض(00000)
خيال حرد لا غدا الشـوف شوفـات=من بين عجلات الرمك والعشيـري
جزل الحصون من المواحيل نديـات=ضاري على ذبح الغنـم والفطيـري
غيث الارامـل واليتامـا المقـلات=وسعد الرفيـق ومسنـد للقصيـري
يعطي الاصايل دون ربعـه مـدارات=ويدرا على هيبات عـزه بصيـري
ماقلت في مدحه على شان ابي ذات=اشهد بخبـري والله اللـي خبيـري
حتيش لو زعلـوا قـلال المـروات=ماتنطـح الثمـدان مـوج غزيـري
ماتنطـح الثمـدان بحـر الظلمـات=ولا يستوي موج البحر والحفيـري