كشتة ام سويلم مع الثلاثين عضوووو

ام سويلم

المكان : بيت منتدى نزف المشاعر
التاريخ: 19-11-1427
نبذه عن اصحاب المنزل المشاركين بالكشته..
**************************





** الخاله ام سوووويلم <<<<محاتسيتكم.
انا عجيزززز عمري 48 سنه <<<<<<حذفه 20 سنه عن العمر الصدزي
حبيت اهل نزف يوم شفتهم تسنعوا وتركوا التتن والشيشه والرقاد وصاروا يصلون كل فرض بوقته قلت والله لشرط لهم شرط ووديهم لم نفووود سعد <<<<اللي ما يعرفها هذي منطقه على طريق الدمام تبعد 100 كيلووو عن الرياض .
وانا طبعا ابي اخذ العيال والبنيات معي طبعا كل واحد راح اعلمكم منهوا واذا تعبت, احتسي عنه اذا جاء طاريه او اخليه هو يحتسي عن عمره..

وهم العيال .
1-المطير التسبير صح انه ما قال ابي اشااارك بس ما علي منه انا عارفته مهوب قايل شي لي وانا خالته اكيد تعرفووون اسمه هو تركي ترك الموووت وانا خالتك. وهو رجال بااااارد ما يشفي قلبي يعني يالله اني اجي واقضبه من اذنه علشان يقوووم يسوووي الشي اللي ابيه .<<<< تنتظر الباند..

2- خووي المطير التسبير اسمه المسافر الله يرجعه يااارب ولا يسافر ابدا ويقضب ارضه في الرياض ويصير اسمه المقيم .وهو رجال ملسووون يبي من يقص لساانه ويضف التتن عنه لاني هذك اليوم قاضبته وهو في المشب يوم سألته وش ذا قال ابد يا خاله ذا الحطب يدخن شكله مشبوب وهو رطب ما يدري اني اشم بس قلت اسفهه يمكن يعقل .

3-هرماس عاد لا تنشدووني عن هرماس اكيد تعرفووونه هذا اللي كان يوديني محو الاميه ويشغل لي احجاب ويرجعني لايام الشباب وهو واحد ينشد فيه الظهر شقردي وهب ريح وعاقل الله يتمي عليه .

4-الوافي هذا اكيد الكل يعرفه لاني ما اناديه الا ببو لحية مملوطه انا عارفه انكم كلكم لحاكم مملوطه بس هذا اللي عاد مجاهر بلحيته وهو رجال رافعا ضغطي لاني ما قضيت من لحيته المملوطه الا وهو ظاهرا لي بسرواله اللي ابد طوووله شبر ونص.

5-الزعيم هذا اللي جايب لي المراره ودابلن تسبدي الله يصلحه ياااارب اجل معين يعترف باسمي مايناديني الا ياتيته

6- هاوي ابداع ايه ذا الولد ودكم تحطووونه فوق روووسكم صح ان عمره صغير بس عقله عقل واحد تسبير رجال عاقل وفاهم الله يحرسه اذكروووا الله عليه لا يجيه شي(((((( تف تف لا اله الا الله ))))تدرون ما يحسد المال الا راعيه.

7-دمعه المقهور هذا المدلع اللي ما يدري وين ربي حاطه فيه حتى الحتسي ما يعرف يحتسي بالتس بس يكاكي وهو ما يروح لاي مكان الا وقراطيسه معه .

8- مطوووعنا وامامنا اللي يام العيال ويقووومهم لصلاة هذا اكيد تعرفونه القيصر

9- ولد لزيز هذا الله يسلمكم الدختر حقنا دختر السنون والله ياهو دختور ماهنا بازين منه تصدقون ان ضريساتي اوجعني مير يقلعهن لي وماعاد احس بالوجع<<<اكيد قالعهن ماراح يوجعن
.
10- ياتفارق عاد ذا الولد دابة سليمه ما ينسمع له حس ولا رس في البيت, .

11-دريم والله يوم قالو لي جا دريم قلت وخري بس جابو الكيك وحطن البنات عليه دريم ويب.

12- بندر الفيصل ايه هلا والله فيه هذا اللي يبي يوسع لي صدري ويقصد لي ويعلم العيال الدحه ويتركووون عنهم الرقص اللي ما له داعي اللي بس هشتك بشتك . بس الوكاد اترك عنك الحتسي اللي ما يسر الخاطر وانا خالتك . والا البيت فيه اغرفاً واجد اجلس في وحده منهن.

13-صعب المنال والله ياهو ماله حس بذا المنتدى مير انه لانهبل مافيه ملح

14-ايه جاني علمه من خوين له قالي يخاله ترا سعوووود المساعد يبي يروح معنا وانا والله وانا خالتكم ما نيب اعرفه زين ذا الولد وما شفت خشته مير اقووول لوحدتن من البنيات اطمري وانا خالتس جيبي لي ذا اللي اسمه سعوود ابي اعرف وش هو من لحيه لان الصدق اسمه جاز لي بس يوم شفت خشته الله يغربل ابليسه وثره من ربع ابو لحية مملوطه مير يضيق صدري واحلف يمين من عقبها ان الاموس ما تطب البيت ابد على الاقل خل نفرق البنات عن العيال ..

<<<<<تصدقون احس ان الوافي وسعود يروحون لم واحد يحلق لهم لحاهم واحد والثاني ببلاش لان احس انهم من نفس الطمغه .

15- وين رايح الله مير يفكنا من لقافته كل ماشفا له احد قال وين انت رايحن له
16-زمان الصمت والله ياهو فاقعن لي بعد مرارتي حالفتن ماخطب له لين يعقل ذا الولد

17- عاد هذا اكيد ما تعرفونه انا ابي اعلمكم منهو هو من اعضاء المنتدى بس اكيد بعض الاعضاء قد مر عليهم اللي وهو نساني مطيرٍ اخر بس مهب عندنا عند جيرانا عاد هو رجال سنافي واحسن شي فيه انه مسوووي رعب للمغروره وهو شقردي حتى انه وليدي تركي صلح ديكووورات بيته وهو يصير وولد جيرانا وهو اخو البثره اسرار وولد اللي يبي من يكرب حنتسها اميرة الورد

..

هذولا الورعان والحين يجن البنيات الله يصبرني عليهن وعلى بلاويهن.

1-احلام هذي زينة البنات عقل وثقل ماهنا بازين منها
2-ابتسامه والله ياهي مجننتن بي بالبيت لكن تعقل كل ماطريت لها الخيزرانه
3- ملوكه والله ياهي حبيبتن ذا البنيه ماتسمع لها حس ابد وتحس انها ماهيب من بنات ذا الوقت الملسن
4- ما تهاب وصدق انها ما تهاب اجل تقووول في وجهي انها حاطه عينها على جنيني صويلح تهبا حتى تشوووف قذلته وهي والكل يعرفها راعية مشاكل وهوشات وعليها لسان الله يجيرنا منه هي وخويتها اللي بعد شوي ابي سولف لكم عنها بس ان ما ادبتها ما اصير بنت ابوووي ما بي اهرج واجد لاني عارفه لو اجلس من اليوم الى باتسر ما راح اخلص منها..
5- المغروره(احلاهم) الله يكفينا يااارب شر شوفة النفس والغرووور وتعطينا يااارب خف النفس وترزقها اياها هذي الله يسلمكم ما عمري قلت لها كلمه الا ترد علي بعشر و لا عمري طلبت منها طلب انا واحد من العيال الا وهي مجهزه الرد قبل نقضي حتسي وهو طبعا لا الله يلوي حلق الموذي من خلقه وهي مثل صحيبتها الله يستر عليهن طوول لسانها هي واللي فوقنا منها طول ذيك العماره الطوويله اللي في نص العليا ايه اذكر صويلح مره فطرني هناك وويزني من سطحها يوم جينا من الخرج.
6-عيون هذي القلب خطيبة الغالي صووويلح ما يبرد قلبي في ذا البيت الا هي ويا زينها ويا زين اعلومها ومنطوووقها كل شي في ذا البنت يهبل القلب اشوى ان ابو سليمان مات قبل يشوووفها والا صارت عدووتي مهب حبيبه لان ابو سليمان تدرون عنه ما يبي الا الزين يعني مثلي طبعا اما ام سليمان الله بس يستر عليها ويبيح منها .
7- قصيميه ذا البنت عجزت وانا اعلمها تقول السلام عليكم ماتعرف تقول الا هاي.
8-ايه ذي وش جابه هنا اقووول انا ما قلت ازلجوا الباب عن ذا البثره (اسرار) وش جابها هنا اقووول لو تنطبق السماء على الارض ان ما تركبين السياره انتي تسمعين ابوووي يا الوافي امسك ذا البثره ودها بيت اهلها انا ما صبرت عليها في البيت ابي اصبر عليها في البر . انطقي بطقاق في بيت اهلتس .
9- اسيره اللهم يا كافي هذي اللي ضوا شابه مغير تهاوش وتصارخ بس عليها قهوة تنصى الدماغ من زينها ما ابي اكثر هرج عنها والله اني اخاف على عمري منها ان تنفخ علي ...
10-زهره والله ياهي بنيتن مريجيه العقل منا وهي منا يبي من ياخذها للمطوع يقرا عليها
11-كيفي هذي اللي قاردتني فاحستن مرارتي مدري هي بنيه والا ورع هي شكلها شكل بنت بس اعلووومها اعلوووم اعيال اجل جابعتن راسها ابد اشوف راسها كنه راس واحد من العيال والله اذا نامت وغطت خشتها وما بان الا شعرها اني احسبها واحد من العيال نايم على فراشها بس ابشركم كنها ذا اليومين تسنعت ابد مواليتها بالحنا والزيت .
12- اميرة الورد هذي ام جيران الله يقومها بالعافيه مصيخينه قبل كم يوم صاير لها حادث والله انها حبيبه بس لو ربي يفكنا من شر بنيتها ذا البثره .

ايه الحين خلصت من اللي يبووون يروحون والباقين لحقه اعلمكم عنهم اذا وصلوا انا والله ما احب الباردين .

ام سويلم

يالله علموني تسانها جازت لكم


كملت البادزي

واللي بيزعل يعلمني من الحين عشان اوقف

كـــيفي!

$

ههههههههههههههههه افاا ياخالتي هذا وانتي واعدتني بالخير وبالاخير تذميني خخخخخخخخخخخخخخ اثاريك مالك خوي ... لاحقتك بالحكي بس مستعجلة انا الحين ... صبرك علي


راجعتلك ^.*


$

المسافر

ام سويلم

تسيفي


اقووووول اها بس


الوعد الكشته لاترفعين حستس لايمين ماخذتس الكشته

ام سويلم

اقوووووووول انت من وين طلعت لي هاه


اقوووول سد حنتسك لين تخلص الكشته


لايمين احطك في جمس الغنم

<<<<<<<تسويها والله العظيم

عيون الحجاز

خالتي

أم سويلم

يا بعد عمري

أحبك أنا


----------

بس والله انك فلللله

الله يقويكِ

ام سويلم

هلا والله بخطيبه وليدي سوووويلم


الله مير يحيتس يابنيتي

تعالي اقربي مني تعالي

المسافر

ام سويلم

الا بسألك ياوليدي سؤال


انت ماتمل؟؟


بكل كشته طامرن لنا تقول تبي تسوق جمس البنات


شفني يالمسافر ترى حلفت وانت عارفني لاحلفت لاغير ابو القصه ولا اخليك تشم حتى ريحة البنات


اعوووووذ بالله تسنه ماعمره شاف له حريم