قال حقوق المرأة قال !!!

~~أمل محمود~~ · 13-12-2006, 07:11 AM


	تنبيه : المقال مكتوب باللهجة المكاويه مع اني ست بس حبيت انقله لصحة كلامه ‏ ((قال حقوق المرأة .. قال)) ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟ يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه. طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ ....لايمكن. لكن هل يمكن يحصل هادا في السعودية؟ أبدا .. واللي يبغى يجرب ... الطريق قدامو .... يا عمي العملية كلها دلع حريم في دلع حريم .. رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟ قال حقوق المرأة .. قال. منظر عام رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ... خليني في الطابور ... زَيِّي زيكم؟! ... ليش ما تقول كده؟! ... والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد ... يقول إنه من ظهر أبوه ... يفتح فمُّه؟ ... على طول يسمع العبارة الشهيرة .. ( عيب عليك .. إنت ما تستحي؟ .. هذه حرمة...إنت ما عندك أهل!)) ..ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟ قال حقوق المرأة ... هه! اقتصاديا شوف الراجل... السبع... الغضنفر... المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت .. لأ. دا بَس للخروج ... وقيمة صباع روج والا علبة بودره تساوي قيمة جوال جوزها ... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ...وشنطه. وكمان خُدوا هادي .. سابع بنت عمي ... ملكة أخت جارتنا .. ولازم هديه ... واللطخ يدفع .... مو مهم الفلوس جات من فين ... المهم يدفع ... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ... قال إيه! حقوق المرأة. نفسيا الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) ... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا ... بزورتك) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ..لازم يبقى رومانسي. بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم .. جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب. وفوق هدا كله آخر السنه: طفشانه ...فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر .. يا سوريا ... والسنة اللي غيَّرنا فيها .. رحنا ماليزيا. وفي رمضان: تعبت ...أوف ....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ...مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟ قال إيه؟ .. حقوق المرأة. شرعا المرأة لها حظ من أبوها .. وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس. وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا ... بينما الست تصلي تحت المكيف .. في غرفتها .. وأجرها زي الرجال تماما ... ياعيني .. يا عيني .. والله الإسلام أعطاكم كتير ... وياريتو يِبان فيكم. إجتماعيا الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي. وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره) لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب انتهى ------------------------------------------------------------------------------------ ((صادق صح ياحريم؟؟؟)) !

~~alrock~~ · 13-12-2006, 07:20 AM

أمل

موضوع هضم حق المرأة هذا يثيرني لأني أرى أن الأسلام كرمها وأعطاها من الحقوق ما لم يعطيه

دين من قبل وبأن الله غدااا سأنزل موضوع بهذا المعني فتابعيه

مشكورة عزيزتي دمتي في رعايه الله

الروك

عاشقة الصمت · 13-12-2006, 10:27 AM

امل محمود
شكرا على اثارتك لهذا الموضوع
فعلا المرأة مظلومة رغم كل ماورد فى موضوعك
بس على فكرة
احنا مش مظلومين اوى يعنى
(ان كيدهن عظيم)
تسلمى حبيبتى على الموضوع

яṑṓ7έĻḿşħά∂я · 13-12-2006, 01:54 PM

ياعيني .. يا عيني .. والله الإسلام أعطاكم كتير ... وياريتو يِبان فيكم.

موضـوع مثير أخيتي ..
لكن بالفعل لو أعدنا التفكير لوجدنا أن الإسلام
كرّم وشرّع حقوق للمرأة عظيمة .. لا أدري ماذا يريدون أكثر؟!
ذكرتي منها الكثـير في ما سبق ذكره
ولكن في أغلب ماذكرتي
كان الزوج هو المطيع .. فأحيان الأزواج هم من يقررون
وهو الأفضل عشان لايكبر رأس المرأة وتمنع وتحظر ..

شكراً أمل عالنقل الوااافي

ابتسامة حب · 13-12-2006, 03:22 PM

صادق ..

المرأة ماخذه كل حقوقها
و ما في شي ناقصها

الاسلام شرع للمرأة حقوق عظيمه
و المجتمع يحترم كل حقوق المرأة
خصوصاً المجتمع السعودي

المرأة في المملكه ماخذه حقها و زياده
يكفي نظرة الاحترام اللي في المجتمع لكل مرأة

.
.

أمل

شكرأً لكِ
موضوع مهم
و نقل جميل

الحب المستحيل · 13-12-2006, 04:01 PM

اختى الفاضله : امل محمود

اشكرك على الموضوع وانا مع

راى باقى الاعضاء فعلا الاسلام

كرم المرأه وجعل لها حقوق وواجبات

يجب ان تلتزم بها تقبلى حبى ومودتى

ريف العين · 13-12-2006, 05:27 PM

امل محمود

بسم الله الرحمن الرحيم " وقرن فى بيوتكن ولا تبرجن تبرج الجاهلية الأولى " صدق الله العظيم

كرم الأسلام المرأة واعطاها كافة حقوقها وانا أرى ان اكبر تكريم لها هو بقاءها فى بيتها معززة

مكرمة وكانت اكبر اهانة فى حق المرأة هى الأفكار والأتجاهات المعاصرة التى تطالب بخروج المرأة

من بيتها واستخدمت معظم النساء هذا الحق استخام خاطئ فأهملت بيتها ورعايته الذى هو اول مهامها

من الوجهة الدينية والأجتماعية فكانت النتيجة ما نراه الأن من مشاكل اجتماعية لا حصر لها

لا مانع من ان تأخذ المرأة حقوقها وان تعمل لكن فى مجالات لا تؤثر على بيتها

فهناك كثير من الزوجات يستخدمون حقوقهن وحريتهن أسوأ أستخدام والأمثلة كثيرة

واود ان اسألك بما انك أمرأة لماذا تضعين صورة لرجل يمكنك وضع صورة رمزية لأى

شيئ آخر فقد لعنت المتشبهات بالرجال

شكرا لطرحك هذه القضية للنقاش

مــــــلــــــوكــــــه · 13-12-2006, 06:58 PM

موضوع حقوق المرأه كذبه كبيره

يطبل عليه من اراد التحرر من القيم والدين ..

والمرأه بالأسلام لا مثيل لحقوقها ولكرامتها ..

أمل

لك شكري وتقديري ..

ســــــلامـــــي

بركان غضب · 13-12-2006, 07:51 PM

موضوع رائــــع للنقـــاش الجــــاد

حقوق المرأة بالنسبة لـــي

أن يكون لها فكر يحترم وصوت يسمع

وأن تعمل على اهدافـــها بالحــــيـــاة

وأن تقـــدر انوثتها ولاتتخلـــى عنهـــا

وعلى الرجــــل

ان يحترم المرأة ويجعــــل لها مكــــان في حياتـــة

ولايفكر في إيــــذائــــها !!!

ويكفــــي إن الأسلام اعطــــى المرأة المسلمـــة

حقـــوق نفتخـــر بهـــا والحمد لله ...

شكراً على الموضوع الممتاز أمل

أختكـ بركــــــــان ,,,

~~أمل محمود~~ · 14-12-2006, 06:59 AM

اشكر كل من ادلى بدلوه في هذا الموضوع
ولي تعقيب على الاخت كما يبدولي ريف العين وقبل ابدا اذكرك انه
اختلاف الرأي لا يفسد للود قضية
هذا ماورد من ردك الشيق تمعني فيه

اقتباس:

المشاركة الأصلية كتبت بواسطة ريف العين

امل محمود

واود ان اسألك بما انك أمرأة لماذا تضعين صورة لرجل يمكنك وضع صورة رمزية لأى

شيئ آخر فقد لعنت المتشبهات بالرجال

شكرا لطرحك هذه القضية للنقاش [/size]

اعتقد كلامك هذا في غير محله وليس له علاقه بالموضوع اولا
قلتي لعننت المتشبهات بالرجال -- هل الصورة تعنينيّ!!؟؟ هل هذه الصورة لانثى متشبهه وهي انا؟؟
انا لم استوعب الرد الذي جاء منك في غير محله عزيزتي؟؟
لما اضع صورة جمل هل اكون متشبهه ؟؟؟
او عصفور اكون متشبهه؟؟؟
هل تعلمين مامعنى التشبه ؟؟الذي لعنه الرسول الكريم عليه الصلاه والسلام
اوضح هنا بسطر بسيط ماهو التشبه((ان تلبس على جسدها ملابس شبه الرجال تقلدهم في كل شيء
في الكلام و الشكل من حلق للشعر وفعل مايفعله الرجال--هذا التشبه مختصرا ونسميهم الشواذ))
اسفه اسفه ان يصدر منك يامشرفتنا العزيزة هذا الكلام
وقريبا اضع صورة ساعة لانها رمزيه واكون متشبهه بها!!!!
دمتي بود
وجرحتيني جدا بجهل انشاء الله يكون غير مقصود